Advaes

◼ Buk blong givimaot long Febuwari: Buklet ya Speret Blong Ol Dedman long 40 VT. Maj: Buk ya Revelation​—⁠Its Grand Climax At Hand! Epril mo Mei: Sabskripsen long Wajtaoa.

◼ Sekretari mo elda we i lukaot long wok blong prij oli mas lukluk bakegen wok blong ol paenia. Sipos i gat sam we oli faenem i had blong kasem mak blong olgeta, elda i mas mekem plan blong givhan long olgeta. Lukluk bakegen leta blong Sosaete (S-201) blong Desemba 1, 1991, mo Oktoba 1, 1990. Mo tu lukluk haf 12-20 long Kingdom Wok Blong Yumi long Septemba 1986, we i stap long Bislama.

◼ Lafet blong tingbaot ded blong Jisas bambae i stap long Fraede, Epril 17, 1992. Nating se maet tok i save stat bifo san i godaon, be plis tingbaot se taem blong pasem bred mo waen i mas afta we san i godaon finis. Jekem long ples blong yu blong faenemaot wanem taem san i godaon finis. Long dei ya bambae i no gat narafala miting we oli save mekem, be miting blong prij nomo.

◼ Spesel pablik tok blong 1992 bambae i kamaot bifo long dei blong Memoriol mo bambae i stap long Sande, Epril 5, 1992. Stampa tok blong hem bambae i olsem se: “Fasin Blong Skul Insaed Long Ol Bisnes Blong Wol.” Ol kongregesen we seket elda i stap visitim olgeta we oli gat wan spesel dei asembli no oli gat wan seket asembli long taem ya we spesel tok ya i mas kamaot, bambae oli save mekem tok ya long nekis Sande blong hem, Epril 12, 1992. Ol kongregesen we oli stap gat ol miting long ol dei blong wik be i no long Sande, maet oli save gat spesel tok ya long ol dei we i stat long Epril 6 kasem 11.

◼ Ol pablisa we oli wantem mekem haftaem paenia long Maj mo Epril, oli mas mekem plan blong olgeta naoia mo givim pepa blong askem kwiktaem. Samting ya bambae i givhan long ol elda blong mekem plan blong miting blong prij mo oli save mekem se i gat naf buk long stok.

◼ Nyufala buk we i stap:

Engglis: Calendar 1992.