Stadi Long Buk Ya, Man We i Hae Moa Long Olgeta Man

Nekis wik, long Baebol Stadi Blong Kongregesen, bambae yumi stadi bakegen long buk ya, Man We i Hae Moa Long Olgeta Man. !Bambae yumi glad tumas blong stadi bakegen long laef blong Jisas Kraes, mo wok we hem i mekem long wol! Buk ya Man We i Hae Moa i tokbaot ol samting long laef blong Jisas, stat bifo we hem i bon kasem we hem i go long heven. Blong givhan long yumi blong no fogetem ol samting we i bin hapen, yumi save mekem pija long tingting blong yumi mo tingbaot weples oli bin hapen. From samting ya, yu mas tokbaot ol naesfala pija mo lukluk oltaem long map long stat blong buk, afta long fastok. Blong mekem stadi i rongud, evriwan oli mas rere gud. Samting ya i tru moa long brata we i lidim stadi ya. Olsem nao, hem i save givhan long ol man blong oli save gud Man ya we i hae moa long ol narafala man we oli bin laef long wol ya, Masta mo Sevia blong yumi, Jisas Kraes.