Advaes

◼ Buk we yumi seremaot long Febuwari: Revelesen​—⁠Kolosap i Kasem Nambawan En Blong Hem! blong 350 VT. Maj: Save Blong Lidim Yu Long Laef We i No Save Finis. Epril mo Mei: Sabskripsen blong Wajtaoa. Sabskripsen blong Wekap! long Engglis mo Franis. Long ol teritori we yumi wokem plante, yumi save yusum wan long ol buklet (be i no buklet Education mo School). NOTIS: Ol kongregesen we oli no odarem ol buk antap yet, oli mas mekem olsem long nekiswan pepa blong odarem ol buk (S-14) we oli stap fulumap evri manis.

◼ Sekretari mo elda we i lukaot long wok blong prij, tufala i mas tokbaot wok blong ol fultaem paenia. Sipos i had long samfala blong kasem ol haoa blong olgeta, ol elda oli mas mekem wan plan blong givhan long olgeta. Lukluk bakegen ol poen long haf 12 kasem 20 long pepa we i stap long medel blong Kingdom Wok Blong Yumi long Ogis 1986.

◼ Bambae yumi mekem Memoriol long Tusde, Epril 2, 1996. Tok i save stat bifo we san i godaon, be plis rimemba se yufala i mas pasem bred mo waen blong Memoriol afta we san i godaon. Faenemaot wetaem san i godaon long ples blong yufala. Long dei ya, bambae i no gat wan narafala miting, jes ol miting blong prij nomo. Sipos kongregesen blong yufala i stap mekem wan narafala miting long evri Tusde, maet yufala i wantem jenisim i go long wan narafala dei blong wik.

◼ Ol pablisa we oli wantem mekem wok blong haftaem paenia long Maj, Epril, mo Mei, oli mas mekem plan naoia mo fulumap pepa kwiktaem. Olsem nao, bambae i isi long ol elda blong mekem ol plan blong prij, mo blong kasem naf magasin mo buk blong kongregesen.