“Help Long Stret Taem”
1 !Yumi haremgud tumas sipos yumi kasem help long stret taem we yumi nidim! (Hib. 4:16) Long Distrik Asembli ya “Ol Man Blong Talemaot Pis Blong God,” yumi glad blong kasem tu spesel buk blong givhan long yumi long stret taem.
2 Yumi kasem nyufala buk ya, The Secret of Family Happiness, long stret taem nomo. Hem i tokbaot fo samting we yumi nidim, blong mekem famle i glad: (1) Bos long tingting mo filing, (2) luksave hed blong famle, (3) toktokgud tugeta, mo (4) lav. Buk ya Family Happiness bambae i givhan long olgeta famle we oli folem advaes blong hem, blong oli faenem pis blong God. Makemaot taem blong ridimgud nyufala buk ya, mo blong stadi long hem olsem wan famle. Savegud ol poen long hem, olsem nao, bambae yu yu reregud blong yusum buk ya taem yumi seremaot long ol narafala man.
3 Nyufala buk ya, ?Wanem Samting We God i Wantem Yumi Blong Mekem? yumi kasem long stret taem, blong givhan long yumi blong go kwik moa long wok blong mekem ol disaepol. Maet hem i rili gud blong givhan long ol man we oli no save ridgud. Be tu, hem i save givhan long plante bigman we oli ridgud finis, mo long ol pikinini, from klia fasin blong hem blong eksplenem ol stampa tijing blong Baebol. Maet hemia stret samting we yumi nidim blong statem wan stadi we bambae i gohed long Save buk biaen. Buk ya i sua blong givhan long plante moa man blong luksave olsem wanem oli save kasem bigfala blesing taem oli mekem samting we God i wantem.
4 !Ating yumi gat sem filing olsem Deved, we ‘hem i no save sot long wan samting, hem i haremgud, mo kap blong hem i fulap we i fulapgud!’ (Sam 23:1, 3, 5) Wetem glad, yumi wantem tumas blong pasem nambawan help ya long saed blong speret i go long plante narafala we oli rili wantem save trufala God ya, Jeova, mo mekem wok blong hem.