Wajtaoa LAEBRI LONG INTENET
Wajtaoa
LAEBRI LONG INTENET
Bislama
  • BAEBOL
  • OL BUK
  • OL MITING
  • km 2/97
  • Ansa Long Wan Kwestin

I no gat video yet long haf ya.

Sori, i gat problem taem i stap lodem video ya.

  • Ansa Long Wan Kwestin
  • Kingdom Wok Blong Yumi—1997
  • Sem Samting
  • ?Yu Yu Rere From Ol Disasta Long Saed Blong Weta?
    Kingdom Wok Blong Yumi—2007
  • Givhan Long Taem Blong Disasta
    Kristin Wok Mo Laef—Miting Wokbuk—2023
  • Halpem Ol Narafala Blong Oli Stanap Strong Taem Oli Fesem Trabol
    Wajtaoa i Talemaot Kingdom Blong Jehova (Stadi)—2022
  • Yumi Givhan Long Ol Brata Long Taem Blong Trabol
    !Kingdom Blong God i Rul!
Luk Moa Samting
Kingdom Wok Blong Yumi—1997
km 2/97

Ansa Long Wan Kwestin

◼ ?Yumi mas mekem wanem taem i gat wan disasta i kasem sam brata blong yumi?

Taem i Gat Wan Disasta Long Ples Blong Yu: Yu no mas lusum hed blong yu. Stap kwaet, mo tingbaot samting we i impoten moa​—⁠hemia laef, i no olting. Lukaot long ol samting we famle blong yu i nidim kwiktaem. Afta, traem talemaot long ol elda wanem i bin hapen long yufala mo weples yufala i stap.

Ol elda mo ol man blong givhan oli gat wan impoten wok blong mekem, blong givhan long ol brata afta ol disasta. Sipos i gat woning se bambae i gat wan disasta, olsem wan bigfala hariken, ol elda mo ol man blong givhan oli mas meksua se olgeta brata mo sista oli stap long sefples. Mo sipos i gat taem, oli mas kasem mo seremaot ol saplae we maet ol brata ya oli nidim.

Afta long disasta, ol brata we oli lukaot long ol buk stadi, oli mas traem faenem ol wanwan famle mo luk sipos oli oraet. Nao oli mas talem long presiden elda no wan narafala elda se ol wanwan famle oli stap olsem wanem, nating se oli oraet nomo. Sipos i gat wan we i bin kasem kil, ol elda bambae oli traem lukaot wan dokta no karem hem i go long hospital. Mo tu, bambae oli givim kakae, klos, ples blong slip long olgeta, mo sam samting we oli nidim long haos. (Jon 13:35; Gal. 6:​10) Ol elda blong kongregesen bambae oli sapotem kongregesen long saed blong speret mo filing, mo kwiktaem, bambae oli mekem plan blong gat ol miting bakegen. Afta we oli skelemgud ol samting, wan elda i mas talemaot ol tingting blong bodi blong ol elda i go long seket elda, long saed blong olgeta we oli kasem kil, olsem wanem Haos Kingdom mo ol haos blong ol brata oli brobrok, mo ol spesel samting we oli nidim. Nao seket elda bambae i telefon i go long Sosaeti blong givim ripot long ol samting ya. Bambae Sosaeti i mekem plan blong ol bigfala wok blong fiksimap ol samting.

Sipos i Gat Wan Disasta Long Wan Narafala Ples: Tingbaot ol brata mo sista ya long prea blong yu. (2 Kor. 1:8-11) Sipos yu wantem givhan long saed blong mane, yu save sanem presen mane i go long Sosaeti, from we oli putum presen mane i stap blong yusum long taem blong ol disasta. (Ol Wok 2:​44, 45; 1 Kor. 16:​1-3; 2 Kor. 9:​5-7; lukluk Wajtaoa blong Desemba 1, 1985, pej 20-​22.) Yu no mas sanem ol samting mo ol saplae oli go long ples we disasta i bin kamaot long hem, sipos ol brata we oli lukaot long wok long ples ya oli no bin askem. Samting ya bambae i mekem se ol wok blong givhan i gohed long fasin we i gat oda, mo oli seremaot ol samting long stret fasin. (1 Kor. 14:40) Plis yufala i no mas telefon i kam long Sosaeti sipos i no gat nid, from we samting ya i save fulumap ol laen blong telefon we ol brata oli yusum long taem blong disasta.

Afta we Sosaeti i skelemgud ol samting, bambae oli mekem disisen sipos oli mas putumap wan komiti blong lukaot long wok blong givhan long taem blong disasta. Bambae oli sanem toktok i go long ol brata we oli lidim kongregesen. Olgeta evriwan oli mas wokgud wetem ol elda we oli lidim olgeta, blong mekem sua se ol brata we oli nidim ol impoten samting bambae oli kasem ol samting ya.​—Lukluk Jehovah’s Witnesses​—Proclaimers of God’s Kingdom, pej 310-​315.

    Ol buk long Bislama (1987-2026)
    Logaot
    Login
    • Bislama
    • Serem
    • Setemap Olsem Yu Wantem
    • Copyright © 2025 Watch Tower Bible and Tract Society of Pennsylvania
    • Ol Rul
    • Privacy Policy
    • Privacy Settings
    • JW.ORG
    • Login
    Serem