Advaes

◼ Buk we yumi seremaot long Septemba: Save buk. Oktoba: Ol Wajtaoa mo Wekap! Taem yumi mekem ol visit mo yumi faenem sam man we oli intres long trutok, yumi save askem olgeta blong mekem sabskripsen. Stat long lashaf blong manis ya, bambae yumi seremaot Kingdom Nyus Namba 35. Novemba: Yumi gohed blong seremaot Kingdom Nyus Namba 35. Ol kongregesen we oli finisim teritori blong olgeta mo oli bin givimaot Kingdom Nyus Namba 35 long ol man long evri haos, oli save seremaot Save buk. Desemba: New World Translation wetem buk ya The Bible​—God’s Word or Man’s?

◼ Presiden elda no wan brata we hem i jusumaot, bambae i jekem ol kaon blong kongregesen long Septemba 1 no kwiktaem biaen. Talemaot long kongregesen taem wok ya i finis.

◼ Ol elda oli mas folem advaes we Wajtaoa (Engglis mo Franis) blong Epril 15, 1991, pej 21-23 i givim, long saed blong ol man we kongregesen i putumaot olgeta no we olgeta nomo oli mekem disisen blong lego trutok, blong luk sipos oli gat tingting blong wantem joen bakegen wetem kongregesen.

◼ Olgeta long kongregesen oli mas givim ol nyufala sabskrispen blong Wajtaoa mo Wekap! mo ol sabskripsen we ol man oli mekem bakegen, wetem ol prapa sabskripsen blong olgeta tu, oli go long kongregesen blong sanem i go long Sosaeti.

◼ Sosaeti i no stap sanem ol buk long ol wanwan pablisa. Presiden elda i mas meksua se i gat wan mesej i go long kongregesen evri manis bifo we ol brata we oli lukaot long ol buk oli sanem oda i go long Sosaeti. Olsem nao, ol man we oli intres oli save askem ol buk we oli wantem, long brata ya we i lukaot long ol buk. Plis tingbaot se i gat sam buk we yufala i mas mekem spesel oda blong olgeta.

◼ Taem ol kongregesen oli mekem oda blong ol buk, oli no mas fogetem se i no stret blong givimaot CD-ROM blong Sosaeti long ol man olbaot nomo. Hem i blong ol pablisa fastaem.

◼ Long “Ansa Long Wan Kwestin” long Kingdom Wok Blong Yumi long Mei 1997, ol brata oli kasem advaes blong lukaotgud taem oli wok wetem ol sista long wok blong prij. I gat gudfala risen blong yumi evriwan i yusum fasin luksave long saed ya. Hemia i no minim se ol brata we oli goraon blong visitim ol kongregesen mo ol narafala brata tu oli no save prij wetem ol sista. Bigfala tingting insaed long advaes ya se, i no waes blong wan brata i go oltaem hem wan wetem semfala sista we i no waef blong hem.

◼ Ol nyufala buk:

A Book for All People ​—Engglis mo Franis.