Advaes

◼ Ol buk we yumi seremaot long Septemba: Save Blong Lidim Yu Long Laef We i No Save Finis. Oktoba: Bambae yumi seremaot Wajtaoa mo Wekap! Taem yumi mekem visit long man we i soem intres, yumi save askem hem blong mekem sabskripsen. Novemba: Bambae yumi seremaot Save Blong Lidim Yu Long Laef We i No Save Finis. Desemba: Save Blong Lidim Yu Long Laef We i No Save Finis wetem New World Translation.

◼ Presiden elda no wan narafala we hem i jusum i mas jekem kaon blong kongregesen long Septemba 1 no kwiktaem biaen long dei ya. Talemaot long kongregesen se yufala i bin mekem samting ya.

◼ Sosaeti i pulum tingting blong ol elda blong luk bakegen ol advaes long pej 21-23 blong Epril 15, 1991, Wajtaoa, (Engglis mo Franis) long saed blong eniman we kongregesen i bin sakemaot no hem wan nomo i bin askem askem blong no moa joen wetem kongregesen, be naoia hem i wantem kambak bakegen long kongregesen.

◼ Evriwan we oli stap joen long wan kongregesen oli mas givim ol nyu sabskripsen blong Wajtaoa mo Wekap! mo olgeta we oli mekem bakegen, wetem ol prapa sabskripsen blong olgeta, long kongregesen.

◼ Sosaeti i no akseptem ol oda blong ol buk we ol wanwan pablisa oli mekem. Presiden elda i mas mekem plan blong talemaot wan mesej blong ol oda evri manis bifo we kongregesen i sanem oda blong hem i go long Sosaeti. Olsem nao, olgeta we oli intres long wan kaen buk, oli save givim oda blong olgeta long brata we i lukaot long ol buk. Plis tingbaot weswan buk we oli stap mekem spesel oda nomo long olgeta.