Advaes
◼ Ol buk we yumi seremaot long Janewari: Eniwan long ol buk blong 192 pej we kongregesen i gat long stok, we praes blong olgeta i 130 VT, mo ol buk ya: The Secret of Family Happiness mo Save Blong Lidim Yu Long Laef We i No Save Finis. Febuwari: Man We i Hae Moa Long Ol Narafala Man blong 350 VT. Maj: Save Blong Lidim Yu Long Laef We i No Save Finis blong 130 VT. Bambae yumi traehad moa long manis ya blong statem sam Baebol stadi. Epril: Sabskripsen long Wajtaoa mo Wekap! blong 600 VT wanwan (wan yia) no 300 VT (sikis-manis). Tekem buklet ya Wanem wetem yufala blong olgeta we oli soem se oli intres, mo traehad blong statem wan Baebol stadi.
◼ Olgeta pablisa we oli baptaes finis mo we oli stap long Miting Blong Kingdom Wok long wik we i stat long Janewari 4, bambae oli kasem wan Kad Blong Hospital mo Aedentiti Kad blong ol pikinini blong olgeta.
◼ Long Febuwari, ol seket elda bambae oli stat blong givim wan niufala pablik tok. Stamba tok blong hem se, “?God i Rili Wan Trufala Man Long Tingting Blong Yu?” Stat long Maj 1, bambae oli no moa givim pablik tok we oli mekem bifo.
◼ Stat long wik blong Mei 3, bambae yumi stadi buklet ya, Speret Blong Ol Dedman—?Oli Save Halpem Yu No Spolem Yu? ?Oli Rili Stap? long Buk Stadi blong kongregesen.
◼ Ol kongregesen oli mas mekem ol stret plan blong Memoriol long yia ya, hemia long Tasde, Epril 1, afta we san i godaon. Tok i save stat bifo long taem ya, be yumi no mas pasem bred mo waen bifo we san i godaon finis. Jekem wanem taem san bambae i godaon long ples blong yufala. Memoriol i no mas stat let tumas, mekem se ol man we oli intres oli faenem i hadwok tumas blong kam. Mo tu, yumi no mas kam let tumas bifo program i stat, mo yumi no mas hareap blong aot long Haos Kingdom afta we Memoriol i finis. I gud yumi mekem plan blong givhan long ol man we oli intres, we oli haremgud long kampani blong ol Kristin brata sista. Mo tu yumi mas tingbaot long olgeta we yumi save karem oli kam long trak blong yumi. Ol pablisa we oli wantem se i gat Memoriol long wan aelan blong Vanuatu, oli mas talemaot samting ya long ol elda kwiktaem, ale bambae olgeta ya oli save mekem plan from. Bambae ol elda oli mas toktok tugeta long evri samting mo luk wanem plan nao i moa stret.
◼ Spesel pablik tok long taem blong Memoriol long 1999, bambae i stap long Sande, Epril 18. Stamba tok hemia, “Trufala Fasin Blong Frengud Wetem God Mo Wetem ol Man Raonabaot Long Yumi.” Bambae ol kongregesen oli kasem wan plan blong tok ya. Ol kongregesen we oli gat visit blong seket elda no seket asembli long wik ya, oli save mekem spesel tok long wik biaen. Ol kongregesen oli no mas mekem spesel tok ya bifo Epril 18, 1999.
◼ Ol Niufala Buk We Yufala i Save Kasem:
Calendar 1999 —Engglis, Franis
Ridimgud ol Vas Long Baebol Evri Dei 1999—Engglis
La Perspicacité Grâce Aux Ecritures —Franis
◼ Ol Buk We Yufala i Save Kasem Bakegen:
Doit-on Croire à la Trinité? —Franis