Advaes

◼ Ol buk we yumi seremaot long Septemba: Save Blong Lidim Yu Long Laef We i No Save Finis blong 130 VT. Oktoba: Sabskripsen blong Wajtaoa blong 600 VT wan yia no 300 VT 6 manis. Novemba: ?Wanem Samting We God i Wantem Yumi Blong Mekem? no Save Blong Lidim Yu Long Laef We i No Save Finis. Desemba: Save Blong Lidim Yu Long Laef We i No Save Finis wetem New World Translation.

◼ Presiden elda no wan we hem i jusumaot, i mas jekem ol kaon blong kongregesen long Septemba 1 no kwiktaem biaen. Talemaot long kongregesen taem wok ya i finis.

◼ Mifala i talem bakegen long ol elda, blong folem advaes we i stap long Wajtaoa blong Epril 15, 1991, pej 21 kasem 23. Hemia long saed blong ol man we kongregesen i putumaot olgeta, no we olgeta nomo oli lego kongregesen, mo we maet oli wantem joen bakegen long kongregesen.

◼ Olgeta we oli stap joen wetem wan kongregesen, oli mas sanem ol niufala sabskripsen blong Wajtaoa mo Wekap!, mo olgeta we oli mekem sabskripsen blong olgeta bakegen, wetem ol prapa sabskripsen blong olgeta tu, oli go tru long kongregesen nomo.

◼ Sosaeti i no stap fulumap ol oda blong buk blong ol wanwan pablisa. Presiden elda i mas mekem sua se bifo we oli sanem oda blong ol buk blong kongregesen i go long Sosaeti, oli mas talemaot long kongregesen. Olsem nao, olgeta we oli wantem kasem sam buk, oli save talem long brata we i lukaot long ol buk blong i putum long oda ya. Plis, no fogetem weswan buk we kongregesen i nidim spesel oda blong olgeta.