“Putumgud Sam Mane . . . i Stap”

Long faswan Kristin kongregesen, i gat sam nid long saed blong mane we ol brata oli mas tingbaot. Taem ol man oli stap kasem mane blong laef, oli mas “putumgud sam mane . . . i stap” blong givhan long olgeta we oli gat nid. (1 Kor. 16⁠:​1-3) From fasin ya blong givim, evriwan i glad blong “talem tangkiu long God.”​—⁠2 Kor. 9⁠:​11, 12.

Tede, wok blong ol man blong Jeova long fulwol i stap kam bigwan, mo yumi mas givhan long saed blong mane. I stret we oltaem, yumi “putumgud sam mane . . . i stap” blong givhan long saed ya. (2 Kor. 8⁠:​3, 4) I gat plante defren rod blong givim presen mane. (Lukluk Wajtaoa blong Novemba 1, 2001, pej 28 mo 29.) Hemia i rili wan nambawan janis we yumi save haremgud from.​—⁠Wok 20⁠:35.