Yusum Buk Ya Wosipim God Blong Mekem Ol Baebol Stadi

Buk ya Wosipim Trufala God i blong givhan long ol niuwan blong oli kam strong moa long trutok, mo blong oli gat moa tangkiu long Jeova mo ogenaesesen blong hem. Yumi save stadi buk ya wetem olgeta afta we yumi finisim Save buk. Kingdom Wok Blong Yumi long Jun 2000, pej 4, i talem se: “Sipos i klia se wan man i stap gru long saed blong spirit, be i slo nomo, mo i klia se hem i rili gat tangkiu from ol samting we hem i lanem, ale, yu mas gohed blong stadi Baebol wetem hem long wan narafala buk, afta we yu finisim buklet ya Wanem mo Save buk. . . . Yumi mas tingbaot se buklet ya Wanem wetem Save buk hemia nao tufala buk we yumi mas stadi fastaem wetem ol man. Baebol stadi ya wetem olgeta visit mo aoa we yumi spenem blong storian wetem hem, yumi mas makem long ripot blong yumi, nating sipos studen ya i baptaes finis mo i no finisim seken buk blong hem yet.”

?Yu save stadi wetem hu bakegen long buk ya Wosipim God? Semfala Kingdom Wok ya i talem se: “Sipos yu gat save long wan man we i bin stadi long Save buk bifo, be neva i gohed kasem mak ya we hem i givim laef blong hem i go long God mo tekem baptaes, maet yu wan yu save tekem disisen blong stat bakegen blong stadi Baebol wetem hem.” Long tufala manis ya blong Maj mo Eprel, yumi evriwan i mas traehad bigwan blong statem ol stadi wetem ol man olsem, long buk ya Wosipim God.