Advaes

◼ Buk we yumi seremaot long Ogis: !Yu Save Kam Fren Blong God! Sipos no, yu save yusum eniwan long ol buklet ya we i gat 32 pej blong olgeta: ?God i Rili Kea Long Yumi?, !Yu Yu Save Haremgud Blong Olwe Long Wol!, “Look! I Am Making All Things New,” Should You Believe in the Trinity?, Spirit Blong Ol Dedman—?Oli Save Halpem Yu No Spolem Yu? ?Oli Rili Stap?, The Divine Name That Will Endure Forever, Gavman Ya We Bambae i Mekem Paradaes, ?Wanem Bambae i Hapen Long Yumi Taem Yumi Ded? What Is the Purpose of Life—How Can You Find It? mo Taem Wan We Yu Laekem Hem Tumas i Ded. Septemba: Bambae yumi yusum buk ya ?Wanem Samting We Baebol i Rili Tijim? Yumi mas mekem wan spesel traehad blong statem Baebol stadi long faswan taem we yumi prij long man. Sipos man blong haos i gat buk ya finis, tekem smoltaem blong soemaot long hem olsem wanem blong stadi long buk ya blong kasem moa glad. Oktoba: Wajtaoa mo Wekap! Sipos man i intres, soemaot mo tokbaot traket ya ?Yu Yu Wantem Lanem Moa Long Saed Blong Baebol? wetem tingting ya blong statem wan Baebol stadi. Novemba: Man We i Hae Moa Long Olgeta Man. Sipos no, yu save yusum Save buk.

◼ I gud blong mekem wok blong haftaem paenia long manis Septemba, from we i gat faef wiken long hem.

◼ Long nekis oda blong ol buk, kongregesen i save oda long 2008 Calendar of Jehovah’s Witnesses, Ridimgud Ol Tok Blong Baebol Evri Dei—2008, mo 2008 Yearbook of Jehovah’s Witnesses. Long “Mesej Long Olgeta Kongregesen” we Sosaeti i sanem evri manis, bambae yufala i kasem wan lis blong olgeta lanwis we yufala i save oda long hem.

◼ Plis sanem Ripot Blong Kongregesen (S-10) i go long branj ofis bifo Septemba 10 2007.

◼ Ol elda oli mas folem ol advaes long pej 21-23 blong Wajtaoa Eprel 15, 1991 (Franis mo Inglis), long saed blong wok blong visitim olgeta we kongregesen i putumaot olgeta, mo olgeta we oli bin talem se oli no moa wantem stap long kongregesen be naoia maet oli wantem joen bakegen long kongregesen.