Advaes
◼ Buklet we bambae yumi seremaot long manis Ogis: !Lukaot Gud! sipos no, buklet ya Yu Yu Save Haremgud Blong Olwe Long Wol. Septemba: ?Wanem Samting We Baebol i Rili Tijim? Traehad blong statem wan Baebol stadi long olgeta we yumi mitim olgeta blong fastaem, long wok blong prij. Sipos sam man oli gat buk ya finis, yumi save soem olsem wanem blong mekem stadi, mo soem olsem wanem stadi i save givhan long olgeta. Oktoba: Wajtaoa mo Wekap! magasin. Taem man i soem intres, yumi save givim traket ya ?Yu Yu Wantem Lanem Moa Long Saed Blong Baebol? wetem tingting ya blong statem wan Baebol stadi, mo Novemba: ?Wanem Samting We Baebol i Rili Tijim? Traehad blong statem wan Baebol stadi.
◼ Kongregesen i save mekem oda blong kasem 2009 Calendar of Jehovah’s Witnesses, Ridimgud Ol Tok Blong Baebol Evri Dei—2009, mo 2009 Yearbook of Jehovah’s Witnesses, long oda blong ol magasin mo ol buk. Lanwis we ol buk ya oli kamaot long hem, bambae i stap long “Mesej Long Ol Kongregesen,” we oli sanem evri manis i go long olgeta kongregesen.
◼ Ol elda oli mas tingbaot bakegen blong folemgud olgeta advaes we i stap long Wajtaoa (Franis/Inglis) Eprel 15, 1991, pej 21-23, long saed blong olgeta we kongregesen i putumaot olgeta, mo olgeta we oli bin talem se oli no moa wantem stap long kongregesen, be maet naoia oli wantem joen bakegen long kongregesen.
◼ Naoia i gat wan spesel samting blong givhan long ol pablisa mo olgeta we oli intres, we oli blaen no oli no save luklukgud. Sipos oli stap yusum Braille notetakers long kompiuta blong olgeta, blong tanem ol tok long lanwis blong ol blaenman, nao oli save printim mo filim wetem fingga blong olgeta. Mo sipos oli yusum screen readers, bambae kompiuta i save ridimaot ol leta. Wanwan long olgeta oli save kasem ol spesel kopi ya. I gat ol Wajtaoa blong stadi mo ol Wajtaoa blong pablik tu, long “Grade 2” Inglis we i minim oli sotem ol tok, mo i gat “La Tour de Garde, premier degré” long Franis mo lanwis blong Spen, i min se oli no sotem ol tok. Olgeta we oli wantem kasem ol Wajtaoa ya oli save kasem tru long e-mail. Oli mas askem long sekretari blong kongregesen blong i sanem leta i go long branj ofis, we hem i makem “Attention : Braille Desk” long hem. Insaed long leta i mas gat nem mo adres blong blaen man, wanem kaen mesin we hem i yusum, e-mail adres blong hem, mo sipos hem i toktok Inglis, Franis, no lanwis blong Spen. Sipos hem i no gat e-mail adres, hem i save askem adres blong wan fren no famle we i gat e-mail, blong hem i save kasem tru long hem.