Advaes

◼ Buk we yumi seremaot long manis Oktoba: Buklet ya, !Yu Save Kam Fren Blong God! no ol Wajtaoa mo Wekap! Taem yu luk we man i intres, i gud yu soem traket ya long hem ?Yu Yu Wantem Save Trutok? Nao yu save traem statem Baebol stadi wetem hem. Sipos man blong haos i gat traket ya finis, i gud blong statem Baebol stadi wetem hem. Novemba: Buk ya ?Wanem Samting We Baebol i Rili Tijim? Traehad blong statem ol Baebol stadi. Disemba: Buk ya Man We i Hae Moa Long Olgeta Man no Revelesen—Klosap i Kasem Nambawan En Blong Hem. Jenuware: Save buk no ?Wanem Samting We Baebol i Rili Tijim?

◼ Evri yia, yumi stap kasem Program Blong Tiokratik Skul, long wan pepa we i stap insaed long Kingdom Wok Blong Yumi. Naoia bambae yumi no moa kasem pepa olsem. Wanwan kongregesen bambae i kasem wan program blong Tiokratik Skul blong ful yia, mo bambae oli putum wan kopi blong program ya long notis bod long Haos Kingdom. Elda we i lukaot long skul bambae i holem wan narafala kopi blong program ya. Olsem nao, hem i save yusum program ya, taem hem i stap rerem program blong hem blong givimaot ol tok long ol brata mo sista we bambae oli givim ol tok. Ol pablisa bambae oli gohed blong kasem prapa kopi blong Kingdom Wok blong olgeta evri manis, mo long Kingdom Wok Blong Yumi, bambae i gat program blong Baebol Stadi Blong Kongregesen, Tiokratik Skul mo Miting Blong Kingdom Wok.