Advaes

◼ Buk we yumi seremaot long manis Maj: ?Wanem Samting We Baebol i Rili Tijim? Mekem spesel traehad blong statem ol Baebol stadi. Eprel Mo Mei: Wajtaoa mo Wekap! Taem yu visitim bakegen olgeta we oli intres, wetem olgeta ya tu we oli kam long Memoriol mo long ol narafala spesel miting, be oli no joen oltaem long kongregesen, yu mas traehad blong givim buk ya, ?Wanem Samting We Baebol i Rili Tijim? Risen from wanem yumi visitim olgeta, i blong traem statem wan Baebol stadi wetem olgeta long buk ya. Jun: Save buk. Ol kongregesen we oli no moa gat buk ya long stok blong olgeta, maet oli save givimaot buk ya Baebol Tijim no buklet ya, !Lukaot Gud!

◼ Stret afta we kongregesen i kasem ol niufala Wajtaoa mo Wekap! ol brata oli mas givimaot long ol pablisa. Olsem nao, oli save ridim mo savegud ol magasin ya, bifo we oli seremaot long wok blong prij.

◼ Bambae yumi mekem Memoriol long Tusde, Maj 30, 2010. Sipos miting blong kongregesen i stap oltaem long Tusde, yufala i save jenisim dei blong miting i go long wan narafala dei blong wik. Sipos i gat plante kongregesen we oli serem sem Haos Kingdom, mo i no gat wan dei we i fri, yufala i save kanselem miting blong wik ya. Sipos i gat sam haf blong Miting Blong Kingdom Wok long wik ya we oli laenap wetem kongregesen, yufala i save mekem long wan narafala miting.