Tingtingbak Long Ol Poen Blong Tiokratik Skul

Bambae yumi tokbaot ol kwestin ya long Tiokratik Skul long wik we i stat long Eprel 26, 2010. Elda we i lukaot long Tiokratik Skul bambae i mekem tingtingbak ya blong 20 minit. Tingtingbak ya i stanap long ol tok blong Tiokratik Skul long wik blong Maj 1 kasem wik blong Eprel 26, 2010.

1. ?Nomi i minim wanem taem hem i talem toktok ya se, Jeova i ‘tanem baksaed finis long hem, i mekem we bigfala trabol i kasem hem’? (Rut 1:21) [w05 3/1 pej 27 haf 2]

2. ?Wanem ol fasin blong Rut we oli mekem se hem i wan “gudfala woman”? (Rut 3:11) [w05 3/1 pej 28 haf 6]

3. ?Toktok we Elkana i talem long waef blong hem, se “yu no harem se hemia i gud moa long yu i winim we yu gat ten pikinini boe blong yu,” i leftemap tingting blong Hana olsem wanem? (1 Saml. 1:8) [w05 3/15 pej 22 haf 3; long Inglis mo Franis w90 3/15 pej 27 haf 5-6]

4. ?Wanem i mekem se i no stret we ol man Isrel oli askem blong gat wan king blong olgeta? (1 Saml. 8:5) [w05 9/15 pej 20, haf 17; it-2-E pej 163 haf 1; it-2-F pej 827 haf 1]

5. ?Taem Samuel i ‘olfala mo hea blong hem i waet,’ olsem wanem hem i soemaot nambawan eksampol blong prea from ol narafala? ?Mo yumi lanem wanem long eksampol blong hem? (1 Saml. 12:2, 23) [w07 6/1 pej 31 haf 14-15]

6. ?From wanem Sol i soem kaen fasin long ol man long laen blong Ken? (1 Saml. 15:6) [w05 3/15 pej 22 haf 10]

7. ?From wanem Sol i askem long Deved se, “?Yangfala, papa blong yu hu?” (1 Saml. 17:58) [w07 8/1 pej 22 haf 3, 5]

8. ?Fasin blong Deved taem hem i kasem bigfala problem long Gat, i tijim yumi long wanem? (1 Saml. 21:12, 13) [w05 3/15 pej 24 haf 4]

9. ?Olsem wanem Jonatan i soemaot we hem i gat lav mo tingting daon taem hem i mas givhan long fren blong hem Deved, mo leftemap tingting blong hem? (1 Saml. 23:17) [w00 1/15 pej 21 haf 7; long Inglis mo Franis lv pej 28 haf 10, futnot.]

10. ?Samting we i hapen taem Sol i go luk woman we i kleva long Endoro i tijim yumi long wanem? (1 Saml. 28:8-19) [w05 3/15 pej 24 haf 7]