Ol Gudfala Samting Long Ripot Blong Prij

Yumi glad tumas long ol gudfala frut we i kamaot taem yumi yusum Websaet ya jw.org long wok blong prij. Mifala i wantem talemaot bakegen long yufala se branj ofis i wok wetem hed kampani blong transletem ol buk oli go long ol lanwis ya: Ajië, Bislama, Nengone, Xârâcùù, mo lanwis blong Futuna, Lifu, Walis. Ol buk ya oli stap long Websaet ya jw.org. I gud yufala i soemaot Websaet ya long ol man we oli toktok ol lanwis ya. Mifala i stap mekem plan blong transletem sam moa samting yet. Hed Kampani i wantem se olgeta man long teritori blong yumi oli kasem save long trutok blong Baebol long prapa lanwis blong olgeta. Plis, yufala i yusum nambawan Websaet ya oltaem long wok blong talemaot gud nius blong Kingdom long ol man blong olgeta neson.—Mat. 24:14.