Tingtingbak Long Ol Poen Blong Tiokratik Skul
Long wik we i stat long 28 Disemba 2015, bambae yumi tingtingbak long ol samting we yumi lanem long Tiokratik Skul. Dei we i stap long braket i blong givhan long yu blong yu lukaot moa save taem yu rerem skul evri wik.
Folem 1 Kronikel 20:3, sam man oli ting se Deved i mekem i nogud long ol man we hem i holem olgeta long taem blong faet. ?Tingting ya i stret? [2 Nov., w05 15/2 pej 27]
?Wanem i pusum Deved blong i givim samting long gladhat blong hem? ?Wanem bambae i givhan long yumi blong mekem sem mak? (1 Kron. 22:5) [9 Nov., w05 1/10 pej 11 haf 6]
?Deved i minim wanem taem hem i talem long Solomon se: “Yu mas save God blong papa blong yu”? (1 Kron. 28:9, NW) [16 Nov., w08 1/10 pej 12 haf 18-20]
?Samting we Solomon i askem long 2 Kronikel 1:10 i soemaot wanem? ?From wanem i waes blong tingting gud long ol prea blong yumi? (2 Kron. 1:11, 12) [23 Nov., w05 1/12 pej 19 haf 6]
Folem tok blong 2 Kronikel 6:29, 30, ?Jehova i naf blong mekem wanem? ?Mo from wanem yumi mas talemaot evri samting long Jehova long prea? (Sam 55:22) [30 Nov., w06 1/10 pej 15 haf 6]
?Wanem i mekem se Asa i winim ol enemi blong hem? ?Mo olsem wanem yumi save folem eksampol blong Asa? (2 Kron. 14:11) [7 Dis., w14 15/8 pej 17 haf 5-6]
Taem King Jehosafat i mekem wan krangke samting, ?Jehova i mekem wanem long hem? ?From wanem yumi glad blong save samting ya? (2 Kron. 19:3) [14 Dis., w03 1/7 pej 17 haf 13]
?From wanem “yumi stap stanap rere nomo” mo “yumi wet”? ?Mo yumi mekem samting ya olsem wanem? (2 Kron. 20:17) [21 Dis., w05 1/12 pej 21 haf 2; w03 1/6 pej 15 haf 15-16]
?Wanem woning we yumi kasem long 2 Kronikel 21:20 we i tokbaot ded blong Jehoram? [21 Dis. w98 15/11 pej 32 haf 4]
Folem 2 Kronikel 26:5, ?hu i givhan long yangfala Usia? ?Tede ol olfala long kongregesen oli givhan long ol yangfala olsem wanem? [28 Dis., g11 Okt–Dis pej 19 haf 4-5]