?Olsem Wanem Blong Givim Ol Gudfala Ansa?

Ol gudfala ansa oli mekem evriwan long kongregesen oli kam strong moa. (Ro 14:19) Mo olgeta we oli givim ansa, olgeta tu oli harem gud. (Pro 15:23, 28) Taswe, yumi mas traehad blong givim ansa long evri miting. Bambae brata i no jusum yumi evri taem we yumi leftemap han blong yumi. Taswe i moa gud yumi rerem plante ansa.

Wan gudfala ansa . . .

• hem i isi blong kasemsave, i klia, mo i sot. Klosap oltaem, yumi save givim wan gudfala ansa long 30 seken nomo

• hem i gud moa taem yumi talem long prapa toktok blong yumi

• i no blong talem bakegen samting we narafala i jes talem

Sipos yu yu faswan blong ansa. . .

• yu ansa stret long kwestin, long ol tok we i isi blong kasemsave

Sipos wan i ansa finis, yu save . . .

• tokbaot wan vas long paragraf, we i stret long poen

• tokbaot olsem wanem save ya i stret long laef blong yumi

• tokbaot olsem wanem blong yusum ol save ya

• talem wan sot stori we i makem gud bigfala poen