Halpem Pikinini Blong i Bilif Se God Nao i Wokem Olgeta Samting

Olgeta samting we Jehova i wokem oli soemaot bigfala paoa blong hem. (Sam 19:1-4; 139:14) Be Setan i pulum ol man blong oli daonem God mo oli bilivim ol save blong man se laef i kamaot olsem nomo. (Ro 1:18-25) ?Olsem wanem yu save blokem ol giaman tijing ya blong oli no gru long hat mo tingting blong pikinini blong yu? Taem hem i smol nomo, yu halpem hem blong i bilif se Jehova i laef i stap mo i kea long hem. (2Ko 10:4, 5; Ef 6:16) Yu pulum hem blong i talemaot tingting blong hem long samting we oli tokbaot long skul, mo yu yusum ol defren tul we yumi gat blong kasem hat blong hem.—Pro 20:5; Jem 1:19.

WAJEM VIDEO YA SAM YANGFALA OLI TALEM WANEM—BILIF LONG GOD, BIAEN YU ASKEM OL KWESTIN YA:

• ?Plante man oli tingbaot God olsem wanem?

• ?Long skul blong yu oli talem wanem?

• ?Wanem i pulum yu blong bilif se Jehova i laef i stap?

• ?Olsem wanem yu save soemaot long wan man se God i wokem olgeta samting?