Yu Save Mekem Wanem Blong Famle i Glad

Jehova i wantem se ol famle oli glad. (Sam 127:3-5; Pri 9:9; 11:9) Nating se i olsem, ol wari blong wol ya mo mastik we wan long famle i mekem, i save mekem yumi lusum glad ya. ?Wanwan memba blong famle i save mekem wanem blong famle i stap glad?

Hasban i mas ona long waef blong hem. (1Pi 3:7) Hem i spenem taem wetem hem. Hem i luksave samting we waef i no naf blong mekem mo i tinghae long ol samting we waef i mekem blong hem mo blong famle. (Kol 3:15) Hem i talemaot se i lavem hem mo i stap presem hem.—Pro 31:28, 31.

Waef i lukaot rod blong givhan long hasban blong hem. (Pro 31:12) Hem i putum hem i stap aninit long hasban blong hem mo i wok gud wetem hem. (Kol 3:18) Hem i toktok kaen long hem mo i talem ol gudfala toktok long saed blong hem.—Pro 31:26.

Ol perens oli spenem taem wetem ol pikinini blong olgeta. (Du 6:6, 7) Oli talem long ol pikinini blong olgeta se oli lavem olgeta. (Mt 3:17) Oli stretem olgeta, oli soem se oli lavem olgeta, mo oli givhan long olgeta blong luksave samting.—Ef 6:4.

Ol pikinini oli ona mo obei long perens blong olgeta. (Pro 23:22) Oli letem perens blong olgeta i save tingting mo filing blong olgeta. Oli lesin taem ol perens oli stretem olgeta mo oli soem respek.—Pro 19:20.

WAJEM VIDEO YA MEKEM FAMLE I GLAD, BIAEN ANSA LONG KWESTIN YA:

• ?Wanwan long famle i save mekem wanem blong famle i glad?