29 JENUWARE–4 FEBRUARI

OL SAS SAMTING LONG BAEBOL

1. Ol Lesen We Yumi Lanem Long Ekspiriens Blong Job

(10 min.)

Luksave se Jehova i save plante samting moa i bitim yumi (Job 42:1-3; w10 10/1 14-15 ¶4-6)

Rere blong akseptem advaes we i kam long Jehova mo long oganaesesen blong hem (Job 42:5, 6; w17.06 17 ¶12)

Jehova i blesem olgeta we oli holemstrong long hem, nating se oli fesem ol hadtaem (Job 42:10-12; Jem 5:11; w22.06 25 ¶17-18)

Job mo waef blong hem i stap stanap antap long wan hil, mo tufala i stap lukluk tufala we tufala i glad. Job i stap poenem ol sipsip mo haos blong olgeta. — Jehova i blesem Job from we i holemstrong long hem

2. Ol Gudgudfala Samting Long Baebol

(10 min.)

Job 42:7—?Ol trifala fren blong Job oli stap tok agensem hu stret? ?Olsem wanem save ya i halpem yumi blong stanap strong taem ol man oli tok nogud long yumi? (it-2 808)

Ansa blong yu
?Wanem sam gudfala samting we yu faenem long Baebol riding blong wik ya?

Ansa blong yu

3. Baebol Riding

(4 min.) Job 42:1-17 (th stadi 11)

KAMGUD MOA LONG WOK BLONG PRIJ

4. Statem Wan Storian

(3 min.) PRIJ LONG HAOS WANWAN. Man ya i no wan Kristin. (lmd lesen 5 poen 3)

5. Mekem Disaepol

(5 min.) lff lesen 13 poen 6-7 mo Sam Man Oli Se (lmd lesen 11 poen 4)

6. Tok

(4 min.) lmd apendiks A poen 2—Stamba Tok: Wol Ya Bambae i Neva Lus. (th stadi 13)

LAEF BLONG OL KRISTIN

7. Halpem Ol Narafala Blong Oli Haremsave Se Jehova i Lavem Olgeta

(15 min.) Kwestin mo ansa.

Wan smol haf blong video ya “Mifala i Faenem Kristin Lav Long Famle Blong Jehova.” Mimi mo mama blong hem i karem flaoa mo wan gad i kam long wan sista we i slip long wan bed long hospital.

Yumi glad blong wosipim wan God we i gat lav. (1Jo 4:8, 16) Ol gudfala fasin blong Jehova oli pulum yumi blong fren wetem hem mo stap klosap long hem. Yumi ol man blong hem, yumi haremsave se Jehova i lavem yumi.

Yumi traehad blong folem eksampol blong Jehova, taem yumi soem lav long ol memba blong famle blong yumi, ol brata mo sista, mo ol narafala. (Job 6:14; 1Jo 4:11) Taem yumi soemaot lav, yumi halpem ol narafala blong oli save Jehova mo kam klosap long hem. Be sipos yumi no soemaot lav, maet i had blong oli haremsave se Jehova i lavem olgeta.

Plei long VIDEO Mifala i Faenem Kristin Lav Long Famle Blong Jehova. Biaen askem se:

Folem ekspiriens blong Lei Lei mo Mimi, ?from wanem i impoten blong soem lav?

Ansa blong yu

?Yumi save mekem wanem blong ol brata mo sista oli haremsave se Jehova i lavem olgeta?

Tingbaot olgeta olsem ol gudfala sipsip blong Jehova.—Sam 100:3
Talem ol tok we i leftemap tingting blong olgeta.—Ef 4:29
Traem kasemsave long filing blong olgeta.—Mt 7:11, 12

8. Baebol Stadi Blong Kongregesen

(30 min.) lv japta 5 ¶16-23