7-13 OKTOBA
OL SAM 92-95
Singsing 84 Mo Prea | Opening Komen (1 min.)
1. !Beswan Laef Hemia Blong Mekem Wok Blong Jehova!
(10 min.)
I stret nomo we yumi wosipim Jehova (Sam 92:1, 4; w18.04 28 ¶5)
Hem i halpem ol man blong hem blong oli mekem ol gudfala desisen mo oli glad (Sam 92:5; w18.11 23 ¶8)
Hem i tinghae long olgeta we oli mekem wok blong hem nating se oli olfala (Sam 92:12-15; w20.01 19 ¶18)
ASKEM YU WAN SE: ‘?Wanem i blokem mi blong givim laef blong mi long Jehova mo baptaes?’
2. Ol Gudgudfala Samting
(10 min.)
Sam 92:5—?Olsem wanem ol tok ya oli soemaot se Jehova i gat bigfala waes? (cl 176 ¶18)
?Wanem sam gudfala samting we yu faenem long Baebol riding blong wik ya?
3. Baebol Riding
(4 min.) Sam 94:1-23 (th stadi 5)
4. Statem Wan Storian
(4 min.) TEKEM JANIS BLONG PRIJ. Taem yutufala i storian, lukaot janis blong tokbaot wok we yu mekem blong tijim man long Baebol. (lmd lesen 5 poen 3)
5. Gobak Visitim Man
(3 min.) TEKEM JANIS BLONG PRIJ. Askem Baebol stadi long wan man we bifo i no wantem stadi. (lmd lesen 8 poen 4)
6. Mekem Disaepol
(5 min.) Storian wetem wan Baebol stadi we i no traehad blong putum ol mak. (lmd lesen 12 poen 5)
Singsing 5
7. Taem Ol Yangfala Oli Wari Bitim Mak
(15 min.) Kwestin mo ansa.
Evri man we i wosipim Jehova i save wari. Eksampol, plante taem long laef blong King Deved hem i wari, mo hemia i sem mak long plante brata mo sista tede. (Sam 13:2; 139:23) Ol yangfala tu oli stap wari. Samtaem ol wari ya oli mekem se oli no moa wantem mekem ol samting we oli stap mekem oltaem, olsem go long skul o go long ol miting blong kongregesen. Antap long hemia, wari i save mekem se oli fraet bitim mak o oli wantem kilim olgeta wan.
Ol yangfala, sipos yufala i harem se yufala i wari bitim mak, i gud yufala i askem help long perens blong yufala o long wan man we i bigman long tingting. Mo i gud yufala i askem Jehova tu blong i givhan long yufala. (Fil 4:6) Nao hem bambae hem i halpem yufala. (Sam 94:17-19; Aes 41:10) Traem luk eksampol blong Steing.
Plei VIDEO Ya Jehova i Tingbaot Mi. Biaen askem se:
• ?Wanem vas blong Baebol we i halpem Steing, mo from wanem?
• ?Jehova i mekem wanem blong lukaot gud long hem?
Ol perens, yufala i save halpem ol pikinini blong yufala taem oli wari. Yufala i mekem olsem taem yufala i lesin gud long olgeta, soemaot lav long olgeta, mo mekem oli luksave se Jehova i lavem olgeta. (Tae 2:4; Jem 1:19) Dipen long Jehova blong i givim paoa long yufala mo i mekem se yufala i glad blong givhan long pikinini blong yufala.
Maet i had blong luksave o kasemsave taem wan long kongregesen i stap wari bitim mak. Nating se i olsem, yumi save mekem se evriwan long kongregesen i harem se yumi lavem olgeta mo yumi glad long olgeta.—Pro 12:25; Hib 10:24.
8. Baebol Stadi Blong Kongregesen
(30 min.) lv japta 16 ¶15-22, bokis 194