3-9 MAJ

OL SAS SAMTING LONG BAEBOL

1. Soemaot Se Yu Trastem Jehova

(10 min.)

Trastem Jehova, be i no yu wan (Pro 3:5; ijwbv haf 14 ¶4-5)

Soemaot se yu trastem Jehova taem yu lukaotem ol advaes blong hem mo yu folem olgeta (Pro 3:6; ijwbv haf 14 ¶6-7)

No trastem yu wan bitim mak (Pro 3:7; be 77 ¶1)

Wan yangfala sista i yusum wan tablet blong mekem risej long ol mak we hem i wantem kasem long fiuja. Long lefsaed blong hem, i gat ol buklet we oli tokbaot hae edukesen. Long raetsaed blong hem, i gat wan fom blong mekem moa long wok blong Jehova, mo sam infomesen long saed blong wok long Betel.

ASKEM YU WAN SE: ‘?Mi mi stap lukaotem ol advaes blong Jehova long evri samting we mi mekem long laef blong mi?’

2. Ol Gudgudfala Samting

(10 min.)

Pro 3:3—?I minim wanem se yumi fasem fasin blong lavem man oltaem, mo holem promes raon long nek blong yumi, mo raetemdaon tufala long hat blong yumi? (w06 10/1 13 ¶6)

Ansa blong yu
?Wanem sam gudfala samting we yu faenem long Baebol riding blong wik ya?

Ansa blong yu

3. Baebol Riding

(4 min.) Pro 3:1-18 (th stadi 12)

KAMGUD MOA LONG WOK BLONG PRIJ

4. Statem Wan Storian

(3 min.) PRIJ LONG HAOS WANWAN. Toktok wetem man we i traem blong blokem yu. (lmd lesen 1 poen 5)

5. Statem Wan Storian

(4 min.) PRIJ LONG PABLIK PLES. Tokbaot websaet blong yumi, mo givim wan kad blong jw.org long man we yu storian wetem hem. (lmd lesen 3 poen 3)

6. Tok

(5 min.) w11 3/1 18-19 ¶7-10—Stamba Tok: Soemaot Se Yu Trastem God, Taem Ol Man Oli No Wantem Lesin Long Yu Long Wok Blong Prij. (th stadi 20)

LAEF BLONG OL KRISTIN

7. Soemaot Se Yu Trastem Oganaesesen Blong Jehova

(15 min.) Kwestin mo ansa.

Maet i isi blong trastem daereksen we i kamaot long Tok blong God, Baebol. Be, maet i had blong trastem daereksen we yumi kasem long ol sinman we Jehova i yusum olgeta blong lidim oganaesesen blong hem. Antap moa, sipos yumi no kasemsave o agri long daereksen ya.

Ridim Malakae 2:7. Biaen askem se:

?From wanem yumi no sapraes se Jehova i yusum ol sinman blong lidim ol man blong hem?

Ansa blong yu

Ridim Matiu 24:45. Biaen askem se:

?From wanem yumi save trastem daereksen we i kam long oganaesesen blong Jehova?

Ansa blong yu

Ridim Hibru 13:17. Biaen askem se:

?From wanem yumi mas sapotem ol desisen blong ol man we Jehova i trastem olgeta blong lidim yumi?

Ansa blong yu

Wan brata i go putum wan bokis blong ol kakae long wan famle. Evriwan oli werem mask mo oli stanap longwe oli stap talem tata.

Wan sista i stap ansa long wan miting blong kongregesen. Wan brata i pusum maekrofon i go long hem blong i ansa. Evriwan long miting oli werem ol mask.

Plei VIDEO Ya, 2021 Hed Kampani Apdet #9—Wan Smol Haf. Biaen askem se:

?Olsem wanem daereksen we yumi kasem long taem blong pandemik, i mekem yu trastem moa oganaesesen blong Jehova?

Ansa blong yu

8. Baebol Stadi Blong Kongregesen

(30 min.) kr japta 7 ¶10-18, bokis 73