Haf 6

Seks Mo Klin Fasin

Plante yangfala bambae oli openem buk ya long haf ya fastaem. ?From wanem? From we ol yangfala oli rao plante, oli askem plante kwestin mo tingting blong olgeta i fasfas moa long saed blong seks mo klin fasin i winim ol narafala samting. Be, klin fasin i no minim long saed blong seks nomo. Tingbaot: ?Wan yangfala we i stap giaman mo i mekem i no stret long narafala, hem i rili gat klin fasin? ?I oraet sipos yu no tok tru mo stret sam samtaem nomo? I gud tumas we Baebol i talem ol klia mo waes tok blong lidim yumi long saed blong klin fasin.