?Wanem Bilif Blong Olgeta?
OL WITNES BLONG JEOVA oli bilif long God we i gat Olgeta Paoa, we nem blong hem Jeova mo we hem i wokem heven mo wol. Olgeta samting raonabaot long yumi, long wol mo long skae, i no gat man long wol ya we i naf blong wokem olgeta from we oli spesel mo oli nambawan tumas. Ol samting ya nao oli pruvum se i mas gat wan Bigman i stap we hem i waes we i waes mo i gat bigfala paoa, we hem nao i wokem olgeta samting ya. Taem wan man long wol ya i wokem wan samting, plante taem, samting ya i soemaot fasin, gudhan, no save blong man ya. Ale, long sem fasin, olgeta samting we Jeova God i wokem oli givim save long yumi long saed blong Jeova. Baebol i talem se ‘yumi no save luk ol fasin blong God stret long ae blong yumi, be hem i bin mekem ol fasin ya blong hem oli klia, blong yumi luk, long ol samting blong wol ya we hem i bin mekem.’ Mo tu, nating se skae i no save toktok, be oltaem hem i “stap talemaot bigfala paoa blong God.”—Rom 1:20; Ol Sam 19:1-4, Nyutesteman wetem Ol Sam long Bislama.
Taem man i wokem wan sospen no wan televisin mo kompiuta, hem i gat risen blong wokem ol samting ya. Ale tingbaot wol ya wetem ol defdefren tri mo flaoa mo anamol. Ol samting ya oli hadwok moa blong wokem. Tingbaot bodi blong yumi man we i gat plante milian milian sela long hem we yumi no naf blong kasem save gud long olgeta. Tingbaot bren blong yumi, we fasin blong hem blong wok i nambawan tumas yumi no naf blong kasem save fulwan long hem. Sipos ol man oli wokem samting from wan risen, nating se ol samting ya we oli wokem i smol nomo skelem wetem samting we God i wokem, ale i sua se Jeova God tu i mas gat wan risen blong wokem yumi ol man wetem olgeta nambawan samting raonabaot long yumi. Ol Proveb 16:4 i soemaot se i gat risen biaen long ol samting ya: “Olgeta samting we Hae God i mekem, hem i mekem we olgeta wanwan oli gat plan blong olgeta we bambae oli mas kamtru.”
Taem Jeova i wokem wol ya hem i gat wan risen biaen long hem. Hem i talem samting ya long faswan man mo woman se: “I gud yutufala i gat plante pikinini blong yutufala, blong olgeta we bambae oli kamaot biaen long yutufala, bambae oli save go stap long olgeta ples long wol. . . . Mi mi putum yufala blong yufala i bos long ol fis, wetem ol pijin, mo ol narafala samting we i gat laef we oli stap long wol ya, i stat long olgeta we oli bigbigfala, i go kasem olgeta we oli smosmol.” (Jenesis 1:28) Faswan papa mama blong yumi, tufala i no obei long God. Taswe, taem tufala i gat pikinini mo tufala i fulumap wol, oli fulumap wol wetem ol man we oli sinman mo we oli no lukaotgud long graon wetem ol tri, flaoa mo anamol. Be, rong blong tufala i no spolem stamba tingting blong Jeova. Plante taosen yia biaen, ol man blong God oli raetem se: “Hae God . . . i wokem wol ya, . . . hem i no mekem blong i ples nating nomo.” Hem i “mekem blong man i save stap long hem.” Bambae God i no save spolem wol ya samtaem, be “wol ya, hem i blong stap oltaem nomo.” (Aesea 45:18; Prija 1:4, NW) Stamba tingting we Jeova i gat long saed blong wol ya bambae i mas kamtru, se: “Mi talem finis we ol plan blong mi bambae oli no save foldaon, mo we bambae mi mi save mekem olgeta samting we mi mi wantem.”—Aesea 46:10.
Taswe, ol Witnes blong Jeova oli bilif se wol ya bambae i no save lus samtaem mo oli bilif se olgeta man, olgeta we oli laef wetem olgeta we oli ded, bambae oli save laef long wol ya gogo i no save finis, sipos oli mekem laef blong olgeta i laenap wetem plan blong God long saed blong wan naesfala wol. Olgeta man oli kamaot long Adam mo Iv, we tufala i sin, taswe i no gat wan man nating long wol ya we i stretgud olgeta. (Rom 5:12) Baebol i talem long yumi se: “Ol man we oli stap mekem sin, pei blong olgeta, bambae oli ded from.” “Ol man we oli laef yet oli save se bambae oli ded, be ol man we oli ded finis oli no moa save wan samting.” “Sol we i stap mekem sin—hem bambae i ded.” (Rom 6:23; Prija 9:5; Esikel 18:4, 20, NW) ?Ale sipos oli ded, olsem wanem oli save laef bakegen blong kasem ol blesing long wol ya? Samting ya i save hapen nomo from ransom sakrefaes blong Jisas Kraes. Jisas i talem se: “Mi nao, mi stamba blong laef bakegen long ded. Mi nao mi stamba blong laef. Man we i bilif long mi, nating we bambae i ded, hem bambae i mas laef.” “Ol dedman bambae oli harem voes blong mi, nao bambae oli aot long beregraon blong olgeta.”—Jon 5:28, 29; 11:25; Matiu 20:28.
?Be ol samting ya bambae oli save kamtru olsem wanem? Save long saed ya i stap long “gud nius blong kingdom,” we Jisas i stat talemaot taem hem i stap long wol. (Matiu 4:17-23, NW) Be tede, ol Witnes blong Jeova oli talemaot gud nius ya long wan spesel rod.
[Futnot]
a Ol smosmol samting insaed long bodi blong man we ol man blong saens oli save luk wetem glas nomo.
WANEM BILIF BLONG OL WITNES BLONG JEOVA
Bilif Vas Blong Baebol
We i Sapotem
Baebol i Tok blong God 2 Tim. 3:16, 17; 2 Pita
mo hem i trutok 1:20, 21; Jon 17:17
Jisas Kraes hem i Pikinini Mat. 3:17; Jon 8:42;
blong God mo hem i stap 14:28; 20:17;
aninit long God 1 Kor. 11:3; 15:28
Kraes i givim laef blong hem olsem Mat. 20:28;
wan ransom blong pemaot 1 Tim. 2:5, 6;
ol man we oli obei 1 Pita 2:24, KJV
Sakrefaes we Kraes i givim wan Rom. 6:10;
taem nomo hemia i naf Hib. 9:25-28
Kraes i laef bakegen long ded 1 Pita 3:18;
mo i kam wan spirit man we Rom 6:9;
i no save ded samtaem Rev. 1:17, 18
Taem Kraes i kam, ol man oli Jon 14:19; Mat. 24:3;
no save luk hem, hem i wan spirit 2 Kor. 5:16; Sam 110:1, 2
Yumi stap naoia long Mat. 24:3-14; 2 Tim.
‘taem blong en’ 3:1-5; Luk 17:26-30
Rul blong kingdom we Kraes i king Aes. 9:6, 7; 11:1-5;
long hem bambae i karem stret Dan. 7:13, 14;
fasin mo pis i kam long wol Mat. 6:10
Kingdom bambae i mekem laef Sam 72:1-4; Rev. 7:9,
long wol ya i gud tumas 10, 13-17; 21:3, 4
Graon ya bambae i neva lus Prija 1:4;
mo bambae ol man oli laef Aes. 45:18;
long hem blong olwe Sam 78:69
Long faet blong Amagedon Rev. 16:14, 16; Sef. 3:8;
God bambae i finisim rabis fasin Dan. 2:44; Aes.
blong laef we i stap long wol tede 34:2; 55:10, 11
Ol rabis man bambae oli lus Mat. 25:41-46;
blong olwe 2 Tes. 1:6-9
Ol man we God i glad long olgeta Jon 3:16; 10:27, 28;
bambae oli kasem laef we 17:3; Mak 10:29, 30
i no save finis
I gat wan rod nomo we i lidim Mat. 7:13, 14;
man i go kasem laef Efes. 4:4, 5
Sol i no laef Esik. 18:4, KJV; Prija 9:10;
afta we man i ded Sam 6:5; 146:4; Jon 11:11-14
Hel i minim beregraon nomo Job 14:13, NW;
Rev. 20:13, 14, KJV
Olgeta we oli ded bambae 1 Kor. 15:20-22; Jon 5:
oli laef bakegen 28, 29; 11:25, 26
Ded we Adam i pasem long 1Kor. 15:26, 54;
ol man bambae i finis Rev. 21:4; Aes. 25:8
Wan smol kampani blong sipsip Luk 12:32;
nomo, we namba blong olgeta Rev. 14:1, 3;
i 144,000 oli go long heven 1 Kor. 15:40-53;
mo bambae oli rul wetem Kraes Rev. 5:9, 10
Ol 144,000 man oli bon bakegen 1 Pita 1:23; Jon 3:3;
mo oli kam ol pikinini blong God Rev. 7:3, 4
God i mekem niufala kontrak wetem Jer. 31:31;
Isrel long saed blong spirit Hib. 8:10-13
Kongregesen i stanap long Efes. 2:20; Aes.
Kraes Jisas 28:16; Mat. 21:42
Prea blong yumi i mas go long Jon 14:6, 13, 14;
Jeova nomo tru long Kraes 1 Tim. 2:5
Man i no mas yusum aedol no pija Eks. 20:4, 5; Lev. 26:1;
blong wosipim God 1 Kor. 10:14; Sam 115:4-8
Man i mas sakemaot olkaen wok Dut. 18:10-12;
blong rabis enjel, olsem posen Gal. 5:19-21;
mo kleva Lev. 19:31
Setan hem i rulum wol ya 1 Jon 5:19; 2 Kor. 4:4;
Wan Kristin bambae i neva 2 Kor. 6:14-17;
go joen wetem ol narafala jos 11:13-15; Gal. 5:9;
blong prea no wosip wanples Dut. 7:1-5
Wan Kristin i no save Jem. 4:4; 1 Jon 2:15;
joen long ol fasin blong wol Jon 15:19; 17:16
Yumi mas obei ol loa we man Mat. 22:20, 21;
i putum sipos oli no agensem loa 1 Pita 2:12;
blong God 4:15
Fasin blong tekem blad i kam Jen. 9:3, 4;
long bodi blong yumi nating se Lev. 17:14;
i pas long string blong blad no yumi Wok 15:28, 29
kakae i brekem loa blong God
Yumi mas obei long ol loa blong 1 Kor. 6:9, 10;
Baebol long saed blong fasin Hib. 13:4;
we i stret 1 Tim. 3:2; Prov. 5:1-23
Loa blong Sabat i blong ol man Isrel Dut. 5:15; Eks.
nomo mo hem i finis taem Loa 31:13; Rom 10:4;
blong Moses i finis Gal. 4:9, 10; Kol. 2:16, 17
Olgeta we oli holem wok insaed Mat. 23:8-12;
Kristin kongregesen oli no mas 20:25-27;
putum olgeta se oli hae moa long Job 32:21, 22
narafala mo ol man oli no mas
singaot olgeta long sam spesel taetel
Man i no kamaot long mangke Aes. 45:12; Jen.
be God nao i wokem hem 1:27; Mat. 19:4
Kraes i soem eksampol 1 Pita 2:21; Hib. 10:7;
we ol man oli mas folem taem Jon 4:34; 6:38
oli wosip long God
Taem man i baptaes, ful bodi blong Mak 1:9, 10;
hem i mas draon long wota Jon 3:23;
mo baptaes ya i soem se hem i Wok 19:4, 5
givim laef blong hem long God
Ol Kristin oli glad blong talemaot Rom 10:10; Hib.
trutok blong Baebol long olgeta man 13:15; Aes. 43:10-12
[Tok blong pija long pej 12]
WOL YA . . . Jeova i wokem . . . man i lukaot long hem . . . man bambae i stap long hem gogo i no save finis