?Yu Save Mekem Wanem Blong Famle Blong Yu i Glad?

Bigfala samting we i mekem famle i glad, hemia fasin ya we oli lavlavem olgeta. Efesas 5:33

Tingting blong God long saed blong mared, hemia se man i mas mared long wan woman nomo.

Man we i lavem woman blong hem, hem i kaen gud long woman blong hem, mo i traem kasem save long tingting blong hem.

Woman i mas wok gud wetem man blong hem.

Ol pikinini oli mas obei long papa mo mama blong olgeta.

Yu mas kaen long ol narafala long famle mo yu mas holem promes blong mared. Kolosi 3:5, 8-10

Tok blong God i talem se man i mas lavem woman blong hem, i mas lukaot gud long woman blong hem olsem we i stap lukaot gud long bodi blong hem nomo. Mo woman i mas gat bigfala respek long man blong hem.

I no stret nating blong man we i mared i slip wetem narafala woman mo blong woman we i mared i slip wetem narafala man. Mo i no stret blong man i mared long plante woman wantaem.

Tok blong Jehova i tijim ol famle long ol samting we oli mas mekem blong oli glad.