Fastok Blong Haf 6

Taem ol man Isrel oli kasem Promes Lan, tabenakel i stamba ples blong mekem tru wosip. Ol pris oli tijim ol man long Loa, mo ol jaj oli lidim ol man. Haf ya i soemaot olsem wanem ol desisen mo ol aksen blong yumi oli save givhan long narafala o spolem narafala. Evri man Isrel i mas mekem sam samting blong Jehova mo blong narafala man. Makem ol samting we Debora, Nomi, Josua, Hana, gel blong Jeftaha, mo Samuel oli mekem, blong givhan long ol narafala man. Makem gud se samfala we oli no man Isrel, olsem Rehab, Rut, Jael, mo ol man Gibeon, oli joen wetem ol man Isrel from we oli luksave se God i stap wetem olgeta.