Fastok Blong Haf 12

Jisas i tijim ol man long saed blong Kingdom blong heven. Hem i tijim olgeta blong oli prea se nem blong God bambae i tabu, Kingdom bambae i kam, mo samting we God i wantem bambae i kamtru long wol ya. Sipos yu yu gat pikinini, eksplenem mining blong prea ya long hem. Jisas i no letem Setan i pulum hem blong lego Jehova. Jisas i jusum ol aposol, mo olgeta nao oli kam ol faswan long Kingdom. Makem gud strong tingting we Jisas i gat blong mekem tru wosip. Jisas i wantem givhan long ol man, taswe hem i tekemaot ol sik blong olgeta, i givim kakae long olgeta, mo i mekem dedman i laef bakegen. Ol merikel ya oli soemaot samting we Kingdom bambae i mekem long olgeta man.