Yusum Ol Video Mo Pija

Jenesis 15:5

?I MINIM WANEM? Yusum ol video mo pija blong mekem ol impoten poen oli kam klia moa.

?OLSEM WANEM BLONG MEKEM?

• Jusum ol pija we oli tijim ol man. Antap long ol pija, yu save yusum ol samting we yu droem, map, laen we i makem ol impoten yia, o narafala samting we ol man oli save luk. Be yu yusum olgeta blong makem gud ol impoten poen nomo, i no ol narafala save we i no impoten tumas. Givhan long ol man blong oli rimemba impoten poen, i no ol pija nomo.

• Meksua se ol man oli save luk. Sipos yu soem wan video o pija taem yu stap antap long stej, meksua se i bigwan blong ol man oli save luk.