GOBAK VISITIM MAN
LESEN 7
Gohed Blong Traehad
Stamba Trutok: “Oli gohed we oli no stop nating blong tijim ol man mo blong talemaot gud nius.”—Ol Wok 5:42.
?Pol i Mekem Wanem?
1. Wajem VIDEO, o ridim Ol Wok 19:8-10. Biaen askem ol kwestin ya:
?Olsem wanem yumi save se Pol i gohed nomo blong traem halpem ol man we oli intres?
?Hamas taem Pol i gobak blong tijim olgeta we oli intres, mo hem i mekem olsem blong hamas yia?
?Yumi Lanem Wanem Long Eksampol Blong Pol?
2. Yumi mas spenem taem mo traehad blong mekem ol visit mo statem ol Baebol stadi.
Folem Eksampol Blong Pol
3. Rere blong visitim man long taem we i stret long hem. Askem yu wan se: ‘?Wanem dei i stret long hem blong mi gobak visitim hem? ?Wanem taem, mo long weples i stret long hem blong i save storian wetem mi?’ Yu mas rere blong gobak visitim hem, nating se taem we hem i jusum i no stret long yu.
4. Mekem plan blong kambak bakegen. Afta we yu storian wetem man, talemaot long hem stret taem we bambae yu kambak nekis taem blong visitim hem. Mo yu meksua se yu holem promes blong yu.
5. Gohed blong gat stret tingting. Sipos oltaem man i no stap long haos o plante taem hem i bisi, yu no mas kwik blong ting se hem i no intres. (1 Kor. 13:4, 7) Yu mas gohed blong traem faenem man, be long semtaem, yu mas yusum gud taem blong yu.—1 Kor. 9:26.