Samting We Yu Mas Save

WELKAM Ol man blong welkam oli stap blong givhan long yu. Plis yu folem ol tok blong olgeta long saed blong ples blong putum trak, fasin blong blokem ol jea, mo taem oli kliarem ples we ol man oli fasfas long hem, wetem ol narafala samting olsem.

BAPTAES Ol brata blong welkam bambae oli blokem ol jea long fored blong stej, blong olgeta we oli rere blong baptaes. Bifo we tok blong baptaes i stat long Sarede moning, olgeta we bambae oli baptaes oli mas sidaon long ol jea ya. Oli mas karem prapa tawel blong olgeta mo klos blong swim we i stret.

PRESEN MANE I nidim mane blong rentem wan haos asembli we i gat naf jea, ol spika mo maekrofon, ol skrin mo ol samting blong plei video, mo ol narafala samting we oli mekem se yumi harem gud long asembli mo kam klosap moa long Jehova. Ol presen mane blong yufala i givhan blong pem ol samting blong asembli mo blong sapotem wok blong Kingdom long fulwol. Taswe, i gat ol bokis olbaot long ples blong asembli we oli makem se presen mane. Mo tu, yu save givim presen mane tru long Intenet, taem yu go long donate.jw.org. Ol presen mane we yufala i givim i givhan bigwan. Hed Kampani i wantem talem tangkiu tumas from gudfala fasin blong yufala blong givim presen mane blong sapotem wok blong Kingdom.

DOKTA Plis yufala i tingbaot se hemia i blong olgeta we oli gat aksiden o oli sik long asembli nomo.

OL SAMTING WE I LUS MO OL SAMTING WE MAN I FAENEM Sipos yu faenem samting we i no blong yu, yu mas karem i go long Dipatmen Blong Ol Samting We i Lus Mo Ol Samting We Man i Faenem. Sipos yu lusum wan samting, yu save go long ples ya tu. Sipos wan pikinini i lusum papa mo mama blong hem, man we i faenem hem i save tekem hem i go long ofis ya. Be blong no mekem hadwok long evriwan, plis yufala i lukaot gud long ol pikinini blong yufala, mo meksua se oli stap wetem yufala.

OL JEA Plis yufala i tingbaot ol narafala. Yu save blokem ol jea blong olgeta nomo we oli slip long haos blong yu, olgeta we oli kam long trak blong yu, mo olgeta we oli stadi Baebol wetem yu. Plis yu no putum ol samting oli stap long ol narafala jea raonabaot long yu. Olsem nao, ol narafala oli save sidaon long olgeta.

WOK LONG ASEMBLI Sipos yu wantem wok long asembli ya, plis toktok wetem ol brata we oli lukaot long Ol Wok Long Asembli Ya.

Hed Kampani blong ol Witnes blong Jehova i mekem rere asembli ya