Ol Pija Blong Promes Lan

!Yu Kam, Yumi Mekem Trep Long Lugun Blong Galili!

LUGUN blong Galili i kam kwik moa long tingting blong ol man we oli ridim Baebol bitim plante narafala ples. ?Be yu save klosem ae blong yu mo luk pija blong freswora lugun ya, mo luk ol impoten ples, olsem ples we Jodan Reva i kam long hem mo i goaot long hem mo stret ples we Kapaneam mo Taebirias i stap long hem?

Tekem taem blong stadi long pija ya daon we oli tekem taem oli stap flae long plen, skelem wetem smol pija ya mo ol namba long hem. ?Hamas long ol ples we oli gat namba we yu save luksave? Moa yu save long olgeta, moa Baebol blong yu bambae i laef mo i gat mining fulwan long yu. Blong mekem olsem, yu kam yumi tekem wan sotfala taem, blong mekem trep we i save lanem yumi long plante samting.

Ples ya we oli luk daon long hem i long saed i go long not-is. Yumi stat wetem #1. ?Wanem haf blong lugun ya hem ya? Yes, hem ya en blong saot, we reva blong Jodan i kamaot long hem, i ron i go daon bitwin Sameria mo Gilead blong kasem Ded Si. Long lef saed yu save lukluk kolosap moa long en ya blong lugun ya, olsem oli soemaot long 1993 Calendar of Jehovah’s Witnesses.

Lugun blong Galili i stap dip long hol we oli kolem Rif Vali, samting olsem 200 mita daon moa long Mediterenian Si. Taem yu luk pija ya we oli tekem long plen, tingbaot ol hil we oli go antap long saed blong is kolosap long wora blong lugun ya (samples #7). Ol hil mo ol bigbigfala hil oli go antap tu long ol ples we i kolosap moa, no long saed blong wes, ples we i kolosap long en blong lugun ya, i makem se lugun ya i slip long wan hol, mo longfala blong hem i samting olsem 21 kilomita mo bigfala blong hem i go antap kasem 12 kilomita. I gat ples long en blong lugun blong mekem ol velej mo tu ol bigbigfala taon, olsem Taebirias (#2). Tingtingbak long hem se wan bigfala hif blong ol man long bot long Taebirias oli krosem lugun i go long ples we Jisas i bin mekem merikel blong givim kakae long 5,000 man.​—Jon 6:​1, 10, 17, 23.

Taem yu muf i go long en blong lugun long saed blong not long Taebirias, yu pas long gudfala graon ya blong Genesaret (#3).a Long ples ya Jisas i givim tok antap long hil, mo tu ating long en blong lugun kolosap, hem i singaot Pita mo tri narafala blong oli kam “man blong pulum fis,” olsem we i soemaot long ples ya. (Matyu 4:​18-22) Gohed blong wokbaot, yu kam long Kapaneam (#4), we i stampa ples blong ol samting we Jisas i mekem, mo tu oli bin tokbaot olsem “bigfala taon blong hem.” (Matyu 4:​13-17; 9:​1, 9-11; Luk 4:​16, 23, 31, 38-41) Gohed long saed i go long is i raon long lugun, yu go long (#5) ples antap we Jodan i ron long hem i godaon long solwora (aninit). Nao yu kam long eria blong Betsaeda (#6).

Yumi save yusum ol ples ya we i stap blong soem olsem wanem save blong yu long Lugun ya blong Galili i save halpem yu blong kasem save, mo mekem pija long tingting blong yu long ol store blong Baebol. Afta we Jisas i givim kakae long 5,000 man ya long eria blong Betsaeda mo wan big hif blong ol man oli traem blong mekem hem i king, hem i sanem ol aposol long bot i go long Kapaneam. Long taem blong trep blong olgeta, wantaem nomo bigfala strong win i kamdaon long ol bigfala hil mo mekem ol bigfala wev i go antap, i mekem ol aposol oli fraet. Be Jisas i kam long olgeta i wokbaot antap long lugun, i mekem strong win i kwaet, mo i mekem se oli save gosoa gud kolosap long Genesaret. (Matyu 14:​13-34) Olgeta we oli kam long Taebirias oli krosem bakegen i go long Kapaneam.​—Jon 6:​15, 23, 24.

Gohed i go raon long saed blong is long lugun ya, yu pas kolosap long ples we oli kolem “ples blong ol man Gadara (no Gerasa).” Tingtingbak se long ples ya nao we Jisas i ronemaot devel long tu man. Ol nogud speret ya oli go insaed long wan bigfala hif blong pig, we oli resis long wan klif, oli foldaon i godaon long bigfala lugun ya. Wan long tufala man ya biaen i givim wan wetnes long ol man kolosap long ol bigfala taon ya blong Dekapolis we oli toktok long Grik lanwis. Jisas tu i kam mo i lego eria ya long bot taem i krosem Lugun blong Galili.​—Matyu 8:​28 kasem 9:1; Mak 5:​1-21.

Taem yu finisim trep blong yu go kasem ples we i daon moa long en blong lugun, yu pas kolosap long ples ya we wan bigfala reva (we oli singaotem Yamuk) i karem plante wora lelebet i godaon long Reva blong Jodan.

Baebol i no talem ol stret ples we sam samting i kamaot long hem kolosap long Lugun blong Galili, olsem ples we Jisas i kamtru long Pita mo ol narafala aposol taem oli stap pulum fis (daon), afta we Jisas i laef bakegen long ded. ?Yu ting se ples ya i kolosap long Kapaneam? Nating se i olsem wanem, save blong yu long impoten lugun ya i givhan long yu blong tingtingbak long samting ya we maet i bin hapen long ples ya.

[Futnot]

[Tok Blong Pija Long Pej 24]

1

2

3

4

5

6

7

N

S

I

W

[Foto Credit Line Blong Pija Long Pej 24]

Pictorial Archive (Near Eastern History) Est.

[Foto Credit Line Blong Pija Long Pej 24]

Pictorial Archive (Near Eastern History) Est.

[Foto Credit Line Blong Pija Long Pej 24, 25]

Garo Nalbandian

[Foto Credit Line Blong Pija Long Pej 25]

Pictorial Archive (Near Eastern History) Est.