I Gat Wan Moa Memba Blong Hed Kampani

WETEM wan tingting blong putumap moa memba blong Hed Kampani blong ol Wetnes blong Jeova, i gat wan memba i bin joenem ol 11 elda memba we oli stap wok naoia, samting ya i kamaot long Julae 1, 1994. Nyufala memba ya, hem i Gerrit Lösch.

Brata Lösch i joen long Kristin fultaem wok long Novemba 1, 1961, mo hem i bin go long namba 41 klas blong Wajtaoa Baebol Skul blong Gilead. Hem i bin wok olsem seket mo distrik elda long Ostria stat long 1963 kasem 1976. Hem i mared long 1967, mo samtaem biaen, hem mo waef blong hem, Merete, tufala i stap 14 yia olsem memba blong Betel famle blong Ostria long Viena. Fo yia finis, oli sanem tufala i go long hedkwota blong Sosaeti long Bruklin, Nyu Yok, mo long ples ya Brata Lösch i wok long ofis blong Eksikitiv mo i wok olsem wan man we i givhan long Sevis Komiti. From we hem i wok plante yia long Yurop, mo hem i save lanwis Jemani, Engglis, Romania, mo Itali, bambae hem i givhan bigwan long wok blong Hed Kampani.