Miting We Oli Mekem Wan Teaem Evri Yia Oktoba 7, 1995

MITING we ol memba blong Watch Tower Bible and Tract Society of Pennsylvania i mekem evri yia, bambae i stap long Oktoba 7, 1995, long Haos Asembli blong ol Wetnes blong Jeova, 2932 Kennedy Boulevard, Jesi Siti, Nyu Jesi. Fastaem ol memba nomo oli gat wan smol miting long 9:30 long moning, biaen bigfala miting ya bambae i stat long 10 klok moning.

Ol memba blong Kampani oli mas givim adres blong olgeta naoia long Ofis blong Sekretari, sipos adres blong olgeta i jenis long yia we i pas, blong oli save kasem ol leta blong advaes mo ol pepa blong vot long Julae.

Ol pepa blong vot we bambae oli sanem i go long ol memba semtaem wetem pepa blong advaes blong miting long yia ya, oli mas kasembak Ofis blong Sekretari blong Sosaeti bifo Ogis 1. Ol wanwan memba oli mas fulumapgud mo sanembak pepa ya kwiktaem, mo oli mas talemaot sipos oli save kam long miting ya no no gat. Ol samting we oli raetem long pepa ya oli mas klia long saed ya, from we oli mas kasem save stret, se hu nao bambae i stap long taem ya blong miting.

Ating bambae ful miting ya, hemia miting blong bisnes mo ol ripot, i finis long 1 klok aftenun no jes biaen long taem ya. Bambae i no gat wan program long aftenun. From we i no gat plante ples blong sidaon, ol man we oli gat tikit nomo oli save go insaed. Long yia ya, bambae oli no yusum telefon blong joenem miting ya i go long ol narafala ples, blong ol narafala man oli save lesin tu.