‘Gohed Blong Kasem Stret Save’

Stret save long saed blong God i save lidim yumi blong kasem laef we i no save finis. (Jon 17:⁠3) Yumi mas mekem evri samting we yumi naf blong mekem, blong gohed blong kasem stret save long saed blong Jeova. (Kol. 1:​9, 10) Stat long Epril 29, long Buk Stadi, bambae yumi stadi long buk ya Save Blong Lidim Yu Long Laef We i No Save Finis. Bambae yumi wanwan i kasem moa save long Tok blong God. Mo antap long samting ya, bambae yumi rere moa blong tijim ol narafala long saed ya. Yu mo famle blong yu bambae yufala i kasem blesing sipos evri wik yufala i reregud fastaem, go long Buk Stadi, givim ansa, mo yusum ol samting we yu lanem long wok blong prij.