Video Kaset Ya Noah—He Walked With God i Save Tijim Yumi Evriwan
Ridim Jenesis 6:1 kasem 9:19 no tingting bak long hem. Nao lukluk video kaset blong Noah, mo traem ansa long ol kwestin ya: (1) ?Long taem blong Noa, wol i olsem wanem, mo from wanem i kam nogud olsem? (2) ?Wanem samting i mekem se Noa i defren long ol narafala man, wanem wok we God i givim long hem, mo from wanem? (3) ?Ating oli wokem bigfala sip ya wea, oli tekem hamas yia blong wokem, mo sip ya i bigwan olsem wanem? (4) ?Antap long wok blong bildim sip ya, Noa mo famle blong hem oli mekem wanem narafala wok? (5) ?Yu ting se i olsem wanem blong stap insaed long sip ya afta we doa i sat? (6) ?Sipos yu yu laef tru long Bigfala Wota ya we i ron, bambae yu gat wanem filing? (7) ?Sam samtaem, yumi luk wanem samting we i mekem yumi tingbaot Bigfala Wota ya we i ron, mo samting ya i saen blong wanem? (8) ?Stori blong Noa long Baebol i tijim yu long wanem samting long saed blong yu wan, famle blong yu, mo wok we God i givim long yumi blong mekem? (9) ?Taem bambae yu mitim Noa mo famle blong hem long Paradaes, bambae yu askem wanem kwestin long olgeta? (10) ?Olsem wanem bambae yu yusum kaset video ya blong Noah?