Ol Samting Blong Tingbaot Long Memoriol

Memoriol blong yia ya i stap long Sande, Eprel 4. Ol elda oli mas tingting rere long ol samting ya:

◼ Taem yufala i putum stret aoa blong Memoriol, meksua se bambae oli pasem bred mo waen afta we san i godaon.

◼ Evriwan, wetem brata we i mekem tok tu, i mas save stret taem mo ples blong Memoriol.

◼ Pem stret waen mo ol stret samting blong mekem bred.​—⁠Lukluk Wajtaoa, Februari 15, 2003, pej 14-15.

◼ Bifo long Memoriol, karem ol plet, ol glas, wan gudfala tebol mo kaliko blong tebol oli kam long Haos Kingdom mo putum rere olgeta.

◼ Bifo long Memoriol, klinim gud Haos Kingdom no narafala haos we yufala i yusum blong mekem Memoriol.

◼ Bifo long Memoriol, jusumaot ol man blong welkam mo ol man blong karem bred mo waen i goraon, mo tokbaot wok blong olgeta, stret fasin we oli mas folem, mo nid blong werem klos mo mekem hea long fasin we i soem ona.

◼ Mekem plan blong karem bred mo waen i go long ol tabu man we oli sik mo oli no save kam long Memoriol.

◼ Taem i gat moa long wan kongregesen we i yusum sem Haos Kingdom, ol kongregesen oli mas toktok gud tugeta blong mekem se ol man oli no fasfas long doa, afsaed long Haos Kingdom, long rod, mo long ples blong putum ol trak.