Wan Faet We Yu Yu Insaed Long Hem
1, 2. ?Olsem wanem ol man blong God tede oli mekem vison ya long Revelesen 9:13-19 i kamtru?
1 “Namba sikis enjel i blo pupu blong hem.” Afta long hemia, ‘ol soldia we oli stap sidaon long hos’ oli ron i kam we namba blong olgeta i kasem “tu handred milian” mo noes blong olgeta i olsem tanda. Ami ya i no wan ami blong ol man long wol ya. “Hed blong ol hos i olsem hed blong laeon.” I gat faea mo smok mo salfa i stap kamaot long maot blong ol hos ya, mo “tel blong olgeta i olsem snek.” Taem bigfala ami ya i kamtru long wan ples, hem i spolemgud evri samting. (Rev. 9:13-19) ?Yu yu save olsem wanem yu tu yu insaed long vison ya we i olsem wan profet tok blong taem blong yumi?
2 Grup blong ol tabu brata wetem ol fren blong olgeta, ol narafala sipsip, oli joen wanples blong talemaot ol jajmen blong God. Taem oli mekem olsem, oli soemaot long klia ples se Krisendom hem i ded long saed blong spirit. I gud yumi luk tu haf blong vison ya we i soemaot from wanem minista wok we ol man blong God oli stap mekem, i karem frut.
3. ?Wanem trening we yu yu kasem blong talemaot tok blong God long fasin we i karem frut?
3 Oli Kasem Trening Mo Oli Gat Ol Tul Blong Talemaot Mesej Blong God: Tru long Tiokratik Skul mo ol narafala miting blong kongregesen, ol minista blong God oli kasem trening blong talemaot tok blong God wetem fasin no fraet. Oli mekem olsem Jisas mo ol disaepol blong hem taem oli go faenem man we i stret blong harem nius ya, mo taem oli prij long evri ples we i gat man long hem. (Mat. 10:11; Mak 1:16; Luk 4:15; Wok 20:18-20) !Fasin ya blong prij we i stanap long Baebol i karem gudfala frut!
4. ?Wanem ol tul we plante pablisa oli save kasem blong givhan long olgeta blong mekem wok ya?
4 Ol Kristin minista we oli obei long oda ya we God i givim se oli mas prij, oli seremaot plante bilian Baebol, buk, buklet, mo magasin. Ol buk ya oli stap long klosap 400 lanwis. Ol buk ya oli tokbaot plante defdefren samting long fasin we i stret long ol defdefren kaen man. ?Yu yu stap yusumgud ol tul ya?
5, 6. ?Wanem i pruvum se God i stap wok wetem ol man blong hem?
5 God i Lidim Mo i Givhan Long Olgeta: Vison ya we i olsem wan profet tok i soemaot klia se ol soldia we oli stap ron long ol hos ya blong mekem faet oli pija blong wan wok we God i stap biaenem. (Rev. 9:13-15) Wok blong prij raon long wol i stap gohed from we spirit blong God i biaenem wok ya, be i no from waes no paoa blong ol man. (Sek. 4:6) Jeova i stap yusum ol enjel blong lidim wok ya. (Rev. 14:6) Taswe, semtaem we ol Witnes man mo woman long wol ya oli stap traehad blong mekem wok ya, Jeova tu i givhan long olgeta wetem spirit mo ol enjel blong hem, blong oli pulum ol man we oli gat tingting daon oli kam long hem.—Jon 6:45, 65.
6 Yes, ol man blong Jeova oli kasem trening, oli gat evri samting we oli nidim blong talemaot tok blong God, mo oli wok wetem ol enjel we oli lidim wok ya, taswe i no gat samting we i naf blong stopem olgeta. I gud yumi gohed blong mekem haf blong yumi long wok ya we i laenap wetem nambawan vison ya we i wan profet tok blong taem blong yumi.