Tingtingbak Long Spesel Dei Asembli

Bambae yumi yusum save ya bifo mo afta long spesel dei asembli blong sevis yia 2005. Haf ya “Niufala Plan Blong Tingtingbak Long Ol Asembli,” long pej 4 blong pepa ya, i eksplenem olsem wanem blong mekem tingtingbak. I gud blong makemaot hamas menet blong tokbaot ol wanwan kwestin. Olsem nao, bambae yumi save ansa long olgeta kwestin we oli stap. Tingtingbak i mas soemaot klia olsem wanem blong mekem ol save blong asembli i wok long laef blong yumi.

MONING

1. ?From wanem yumi nidim blong lesin moa long Jeova naoia? ?Tok ya lesin i minim wanem? (“?From Wanem Yumi Mas Lesin Long Voes Blong Jeova?”)

2. ?Olsem wanem ol famle oli save holem wan gudfala program blong mekem ol wok long saed blong spirit? (“Ol Famle We Oli No Letem Wan Samting i Blokem Olgeta Blong Lesin Long Tok Blong God”)

3. ?Olsem wanem samfala long seket oli bin tekem janis blong prij? (“Mekem Olgeta Samting Blong Leftemap Nem Blong God”)

4. ?Wanem sam lesen we yumi lanem long woning we i stap long Hibrus japta 3 mo 4? ?Olsem wanem Jeova i stap toktok long yumi tede? (“Fasin Blong Lesin Taem God i Toktok Bambae i Protektem Yumi”)

5. ?Olsem wanem tok blong baptaes i bin givhan long yu? (“Givim Laef Long Jeova mo Baptaes”)

AFTENUN

6. ?Yumi luksave wanem long saed blong Jisas taem hem i yangfala? ?Olsem wanem sam yangfala long seket oli stap folem eksampol ya blong Jisas? (“Ol Yangfala Blong Yumi Oli Save Kam Strong Sipos Oli Lesingud Long Tok Blong God”)

7. ?Ol papa mama oli save mekem wanem blong stat tijim ol bebi mo ol yangfala pikinini blong olgeta long ol rod blong Jeova? (“Ol Pikinini We Oli Lesin Long God Mo Lanem Samting”)

8. ?Long wanem haf blong laef blong yumi we yumi nidim blong lesingud long Jeova, Pikinini blong hem, mo ‘slef we i stret mo waes’? (Mat. 24⁠:​45, NW ) ?From wanem i impoten we yumi lesingud olsem? (“Lesingud Oltaem Long Tijing Blong God”)