Wan DVD We i Givhan Oltaem

?Wanem bigfala tingting we i stap long DVD ya David​—⁠He Trusted in God? Tingting ya se, yumi mas trastem Jeova olsem Deved i bin mekem bifo. (Sam 91⁠:⁠2) Taem yumi lukluk ol impoten samting we oli bin hapen long laef blong Deved, hemia bambae i halpem ol pikinini mo ol bigman blong oli folem eksampol we hem i soemaot. (Sam 31⁠:14) Blong mekem se DVD ya i save givhan moa long yumi, i gat wan haf we nem blong hem “Ol Kwestin Blong Traem Save Blong Yu” mo sam “Wok We Yumi Save Mekem Blong Kasem Moa Save.”

Lukluk DVD ya, mo ansa long ol kwestin ya blong traem save blong yu: (1) ?From wanem Jeova i bin jusum wan king we i moa gud? (1 Saml. 15⁠:​10, 11; 16⁠:⁠1) (2) ?From wanem hem i no jusum wan long ol brata blong Deved? (1 Saml. 16⁠:​6, 7) (3) ?From wanem Sol i wantem se Deved i plei gita? (1 Saml. 16⁠:​14-23) (4) ?Hu ya Golaeat? (1 Saml. 17⁠:​4-10) (5) ?From wanem Deved i wantem faet agens long Golaeat? (1 Saml. 17⁠:​23, 24, 36, 37) (6) ?Hu ya Jonatan? (1 Saml. 14⁠:⁠1) (7) ?Wetaem Sol i kam wan bigfala enemi blong Deved? (1 Saml. 18⁠:​25-29) (8) ?From wanem Deved i no kilim Sol i ded? (1 Saml. 26⁠:​7-11) (9) ?Sol i ded olsem wanem? (1 Saml. 31⁠:​1-6) (10) ?Deved i mekem wanem taem hem i harem se Jonatan i ded? (2 Saml. 1⁠:​11, 12) (11) ?Jeova i mekem wanem promes long Deved? (2 Saml. 7⁠:​12, 13, 16) (12) ?Wanem bigfala mastik we Deved i bin mekem? (2 Saml. 11⁠:​1-5, 14-17) (13) ?Olsem wanem Deved i soemaot se hem i rili sori from samting we hem i bin mekem? (Sam 51) (14) ?Deved i tijim wanem long yangfala Solomon? (1 King 2⁠:​1-4; 1 Kron. 22⁠:​6-13; 28⁠:​9, 10) (15) ?Olsem wanem rul blong Jisas bambae i mekem i gud long Deved, Jonatan, mo long yu tu?​—⁠Aes. 11⁠:​6-9; Jon 11⁠:​25, 26.

Naoia traem tingbaot: ?Olsem wanem yu yu save trastem God olsem Deved i bin mekem?

Ol papa mama, makem strong long ol pikinini blong yufala se i impoten oltaem blong trastem God, olsem Deved i bin mekem.​—⁠Sam 56⁠:⁠11.