?Yumi Tokbaot Wanem Long Ol Magasin?

Wajtaoa Nov. 1

“Mi sua we yu stap tingbaot se laef long fiuja bambae i olsem wanem. Baebol i tokbaot promes blong God, se wan dei bambae i gat wan niufala wol we pis bambae i stap long hem. ?Yu ting se samting ya bambae i hapen? [Letem man i ansa.] Josua i talem wan samting we i save givhan long yumi. [Ridim Josua 23:14.] Magasin ya [long pej 22] i eksplenem olsem wanem yumi save bilif long ol promes blong God.”

Wekap! Nov. (Franis/Inglis)

“Long taem blong yumi we ol man oli gat moa save long saed blong saens mo oli no moa bilif tumas long God, plante man oli ting se Baebol i blong ol man long taem bifo nomo. ?Wanem tingting blong yu long saed ya? [Letem man i ansa.] ?Yu yu save se ol tok blong Baebol long saed blong saens oli stret? [Ridim Job 26:7.] Wekap! ya i soemaot trufala risen from wanem yumi save trastem Baebol.”

Wajtaoa Dis. 1

“Long Lodsprea, Jisas i talem se yumi mas prea se kingdom blong God i kam. ?Yu ting se from wanem yumi nidim kingdom ya? [Ridim smol stamba tok long pej 23 mo letem man i ansa.] God bambae i tekemaot ol enemi blong hem long wol ya. [Ridim Ol Sam 2:7-9.] Magasin ya i soemaot olsem wanem kingdom blong God bambae i mekem samting ya.”

Wekap! Okt./Dis.

“Sam man oli ting se ded i openem rod blong man i save go laef long wan narafala ples, no sam narafala man oli bilif se ded hem i en blong evri samting. Long tingting blong yu, ?yu ting se ded i wan samting we yumi mas fraet long hem? [Letem man i ansa.] Yu luk filing blong Job taem hem i tingbaot se maet bambae hem i ded. [Ridim Job 14:14, 15.] Magasin ya i givim klia tingting blong Baebol long saed blong wanem we i hapen afta we man i ded.”