2011 Calendar i Soemaot Klia Famle Wosip

Stamba tok blong 2011 Calendar of Jehovah’s Witnesses, hemia Famle Wosip. Ol pija insaed long kalenda oli soemaot olsem wanem ol famle tede oli mekem sem mak olsem ol famle we Baebol i tokbaot olgeta. Mo tu, ol pija ya oli soemaot ol man blong Jehova we oli stadi long Tok blong Hem. Sam long olgeta oli mared mo sam oli no mared.

I gat ol pija blong sam man we Baebol i tokbaot. Ol pija ya oli soemaot olsem wanem olgeta ya oli laekem tumas loa blong Jehova, mo olsem wanem taem oli gohed blong mekem olsem, samting ya i halpem olgeta blong winim ol trabol we oli traem olgeta. (Sam 1:2, 3) Taem yumi stap lukluk ol wanwan pija long kalenda ya, bambae yumi tingbaot bakegen se Famle Wosip i impoten tumas, nating se famle blong yumi i bigwan no i smol nomo, mo nating se ful famle i stap long trutok no nogat. I gat wan ples i emti i stap long kalenda ya, blong yu save raetemdaon taem we famle blong yu i putum blong mekem Famle Wosip. ?Yu yu raetemdaon finis?