Tufala sista long Madagaska i soemaot Gud Nius buklet
Ol Fastok
WAJTAOA
Kwestin: Sam man oli bilif se God i stap lesin long prea blong olgeta. Be samfala oli ting se i westem taem blong prea. ?Wanem tingting blong yu?
Vas: Aesea 30:19
Soemaot: Magasin ya i soemaot se God i stap lesin long prea. Mo God i ansa long ol man we oli folem stret rod blong prea, mo oli prea from samting we i laenap wetem tingting blong hem.
WAJTAOA (laswan haf)
Kwestin: Mi mi wantem save tingting blong yu long kwestin ya. [Ridim faswan kwestin.] Sam man oli bilif se, taem wan man i ded, hem i no moa save laef bakegen. ?Wanem tingting blong yu?
Vas: Ol Wok 24:15
Soemaot: Haf ya i tokbaot sam moa save we Baebol i talem long saed blong ded. Yu save ridim, mo taem mi kambak yumitu save tokbaot bakegen.
!GUD NIUS WE I KAMAOT LONG GOD!
Soemaot: Mi mi pas blong eksplenem olsem wanem mifala i mekem Baebol stadi wetem ol man, i fri nomo. Buklet ya i tokbaot sam vas blong Baebol we oli givim ansa long ol impoten kwestin.
Kwestin: ?Yu yu ridim sam haf blong Baebol finis? Mi glad blong soemaot wan kwestin long yu, mo olsem wanem yumi save faenem ansa isi nomo long buklet ya. [Yu tokbaot kwestin 1 long Haf 2.]
Vas: Revelesen 4:11
YU WOKEM WAN FASTOK BLONG YU
Yu folem sem plan olsem antap blong wokem fastok ya.