Tijim Trutok

Stat long Septemba, bambae i gat wan niufala fastok we i stap long Kristin Wok Mo laef Buk Blong Miting. Nem blong fastok ya, “Tijim Trutok.” Fastok ya bambae i givhan long yumi blong yusum wan kwestin mo wan vas blong tijim trutok long ol man.

Sipos man i intres, yu givim wan magasin, no yu soem wan video long hem blong save gobak visitim hem bakegen. I gud yumi gobak kwik blong gohed long storian. Ol haf blong niufala fastok ya mo ol haf we ol studen bambae oli wok long hem, bambae i kamaot long buk ya ?Wanem Samting We Baebol i Rili Tijim? Long buk ya, yumi save faenem sam moa kwestin mo vas we bambae i givhan long yumi blong mekem visit bakegen, mo yusum Baebol nomo taem yumi mekem Baebol stadi.

I gat wan rod nomo blong kasem laef. (Mt 7:13, 14) Be yumi stap prij long ol man we oli gat ol defdefren bilif mo kalja, taswe yumi mas yusum ol fastok we i stret long olgeta wanwan. (1Ti 2:4) Taem yumi savegud olsem wanem blong tokbaot ol defdefren trutok blong Baebol, mo yumi save olsem wanem blong tijim trutok “long fasin we i stret gud,” bambae yumi kasem gudfala frut, mo bambae yumi haremgud moa.​—2Ti 2:15.