“Yu Mas Trastem Jehova Long Olgeta Hat Blong Yu”

I stret nomo we yumi trastem Jehova fulwan. Mining blong nem blong hem i mekem bilif blong yumi i strong, se hem i naf blong mekem olgeta promes blong hem oli kamtru. Blong trastem Jehova, i impoten we yumi prea oltaem. Ol Proveb japta 3 i talem se sipos yumi trastem Jehova, “hem bambae i soemaot stret rod” long yumi.

Man we i ting se hem i waes . . .

3:5-7

• hem i no askem long Jehova blong i givhan long hem, bifo we hem i mekem desisen

• hem i trastem prapa tingting blong hem mo tingting blong wol

Man we i trastem Jehova . . .

• hem i stadi Baebol, i tingting dip, mo i prea, blong fren gud wetem Jehova

• hem i lukaot ol advaes blong Baebol blong letem Jehova i lidim hem, taem hem i mekem desisen