Yu Save Haremgud Long Ol Blesing We i Blong Olwe

• ?Yu yu wantem se i no moa gat wo, vaelens, mo raorao long wol?

• ?Yu yu wantem se i no moa gat ol sik, fasin safa, mo ded?

• ?Yu yu wantem se yu no moa wari?

• ?Yu yu wantem laef long wan ples we i no moa gat ol disasta?

God ya we i lavem yumi mo i wokem naesfala wol ya, hem i promes blong blesem olgeta man, hem i promes blong givim wan laef we i gat pis, mo wan hapi laef we i blong olwe. Hemia i no wan drim.

Long magasin ya, mifala i invaetem yu blong luk se:

• ?Krieta blong yumi i gat wanem tingting long ol man?

• ?Tok blong God i soem wanem long yumi?

• ?Ol profet blong God oli talem wanem long saed blong ol gudfala promes blong hem?

• ?Yumi save mekem wanem blong stap glad naoia mo long fiuja?

Fastaem bambae yumi luk lav we Krieta i gat long ol man we hem i wokem.