“Man Blong Hem, Olgeta Man Oli Savegud Hem”

Wan gudfala woman i mekem se ol narafala oli respektem man blong hem. Long taem blong King Lemuel, man we i gat wan gudfala woman, “olgeta man oli savegud hem.” (Pro 31:23) Tede, yumi respektem ol elda mo ol man blong givhan. Sipos oli mared, oli save mekem wok ya nomo taem woman blong olgeta i gat gudfala fasin mo i givhan gud long olgeta. (1Ti 3:4, 11) Ol man olsem oli glad long ol woman blong olgeta, mo kongregesen tu i glad long olgeta.

Wan gudfala woman i givhan long man blong hem taem . . .

• hem i toktok gud blong leftemap tingting blong hem.—Pro 31:26

• hem i glad se man blong hem i spenem taem wetem ol narafala long kongregesen.—1Tes 2:7, 8

• hem i no wantem plante sas samting.—1Ti 6:8

• hem i no pulum man blong hem blong i talemaot ol bisnes blong kongregesen we i tabu blong talemaot.—1Ti 2:11, 12; 1Pi 4:15