“Samting We God i Joenem . . . ”

Long Loa blong Moses, sipos wan man i stap tingting blong divos hem i mas mekemrere wan setifiket. Hemia i blokem ol man blong oli no tekem aksen blong brekem mared blong olgeta. Be long taem blong Jisas, ol lida blong skul oli mekem i isi nomo blong man i save divos. Man i save divosem waef blong hem from eni smosmol samting. (nwtsty ol not blong stadi long Mk 10:4, 11) Jisas i wantem soemaot se Jehova nao i stamba blong mared. (Mk 10:2-12) Wan hasban mo waef oli mas kam “wan bodi” nomo. I gat wan risen nomo blong divos, we buk blong Matiu i tokbaot, hemia sipos wan long tufala i mekem “enikaen doti fasin blong seks.”—Mt 19:9.

Tede, plante man oli nogat sem tingting olsem Jisas long saed blong mared, be oli gat sem tingting olsem ol Farisi. Taem i gat ol problem, ol man blong wol oli kwik blong mekem divos. Be hemia i defren long ol Kristin hasban mo waef. Olgeta oli tinghae long promes blong mared we oli mekem, mo oli traehad blong folem ol advaes blong Baebol blong stretem ol problem blong olgeta. Wajem video ya Lav Mo Respek i Mekem Famle i Joengud, mo biaen yu ansa long ol kwestin ya:

• 

  ?Olsem wanem yu save folem advaes blong Ol Proveb 15:1 long mared blong yu, mo from wanem i impoten?

• ?Olsem wanem yu save folem Ol Proveb 19:11 blong blokem ol trabol?

• Sipos klosap mared blong yu i brok, ?wanem ol kwestin we yu save tingbaot, i bitim we yu stap tingting se, ‘Mi mas divos’?

• ?Olsem wanem yu save folem Matiu 7:12 blong kam wan gudfala hasban o waef?