LAEF BLONG OL KRISTIN
Traem Kamgud Moa—Pulum Man i Go Long JW.ORG
FROM WANEM I IMPOTEN: Evri buk mo video we oli stap long Tul Blong Tijim Man, oli pulum man i go long jw.org. Mak blong Kad blong jw.org mo traket ya ?Weples Yu Save Faenem Ansa Blong Ol Impoten Kwestin? i blong pulum man i go long jw.org. Yu save yusum jw.org blong givimaot wan buk o video we i stap long Tul Blong Tijim Man, taem yu sanem samting ya tru long imel o link. Hemia i save givhan speseli taem yumi prij long wan man we i toktok defren lanwis. Mo tu, maet ol man oli askem ol kwestin we ansa blong olgeta i no stap long ol buk o video long Tul Blong Tijim Man, be i stap long websaet. Taswe sipos yumi pulum man i go long websaet, bambae yumi kasem gudfala frut long wok blong prij.
?YU MEKEM OLSEM WANEM?:
Yusum haf ya “OL BAEBOL TIJING.” Sipos yu prij long wan papa o mama we i wantem save moa long fasin blong tijim pikinini taem i gruap. Yu go long OL BAEBOL TIJING > MARED MO FAMLE.
Yusum haf ya “OL BUK.” Sipos yu storian wetem wan fren long skul mo yu wantem givim buklet ya, Ol Ansa Blong 10 Kwestin We Ol Yangfala Oli Askem. Yu go long OL BUK > OL BUK & BUKLET.
Yusum haf ya “MIFALA.” Sipos yu prij long wan fren long wok, be hem i wantem save moa long ol bilif blong yumi. Yu go long MIFALA > KWESTIN WE PLANTE MAN OLI STAP ASKEM.
wan man we i no bilif long God
wan man we i jes fesem wan bigfala trabol
wan brata o sista we i slak long trutok
wan visit we i wantem save olsem wanem yumi kasem mane blong sapotem wok blong Kingdom
wan man blong defren kantri we i wantem go long wan miting long ples blong hem